الدىمەن, جىل باسىنان بەرى باسقارمانىڭ جول كولىگى سالاسىندا اتقارىلعان جۇمىستاردىڭ بارىسىنا توقتالعان م.مىرزاباەۆ وبلىس تۇرعىندارى مەن ەلدى مەكەندەردى تۇراقتى جولاۋشىلار تاسىمالىمەن قامتاماسىز ەتۋ جايىنا توقتالىپ, بۇگىنگە دەيىن 766 ەلدى مەكەننىڭ 691-ءى ياعني, 90,2 پايىزى قوعامدىق تاسىمالمەن قامتاماسىز ەتىلگەنىن جەتكىزدى.
"2017 جىلدىڭ 6 ايىندا ءتورت - 3 اۋدانارالىق, 1 وبلىسارالىق تۇراقتى باعىت اشىلدى. ولار – «شىمكەنت-بورالداي», «قوشقار اتا-المالى-شىمكەنت», «تۇركىستان-جىبەك جولى» جانە وبلىسارالىق «شىمكەنت-اقتوبە» باعىتتارى. جىل سوڭىنا دەيىن تولەبي اۋدانىنىڭ 4 ەلدى مەكەنى, ورداباسى اۋدانىنىڭ 4 ەلدى مەكەنى, بايدىبەك اۋدانىنىڭ 4 ەلدى مەكەنى قوعامدىق كولىكپەن قامتاماسىز ەتىلەتىن بولادى. جۋىردا شىمكەنت قالاسىنىڭ شالعاي شاعىن اۋداندارىندا جانە جولاۋشىلار اعىنى تومەن كوشەلەردە تۇراتىن تۇرعىندار قوعامدىق كولىكتەرمەن قامتاماسىز ەتىلەتىن بولادى», - دەدى م.مىرزاباەۆ.
جيىندا, مۇنان بولەك, اۆتوبۋستاردى جاڭالاۋ, ولاردى GPS قۇرالدارىمەن جابدىقتاۋ, زاڭسىز جولاۋشىلار تاسىمالىنا توسقاۋىل قويۋ سىندى ءتۇرلى باعىتتارداعى اتقارىلعان جۇمىستار دا ايتىلدى.
