قازاقستان • 21 تامىز، 2017

ۇلتتىق بانك بازالىق مولشەرلەمەنى تومەندەتتى

145 رەتكورسەتىلدى

قر ۇلتتىق بانك بازالىق مولشەرلەمەنى 10،25 پايىزعا دەيىن تومەندەتۋ تۋرالى شەشىم قابىلدادى، دەپ حابارلايدى ءباسپاسوز قىزمەتى.

«قازاقستان رەسپۋبليكاسىنىڭ ۇلتتىق بانكى بازالىق مولشەرلەمەنى +/-1% دالىزبەن 10،25%-عا دەيىن تومەندەتۋگە شەشىم قابىلدادى. جىلدىق ينفلياتسيا باياۋلاپ، نىسانالى دالىزدە تۇر. ال ونىڭ تومەندەۋى ۇلتتىق بانكتىڭ بولجامدىق باعالاۋلارىنا سايكەس كەلەدى»، - دەدى ۇلتتىق بانكتەن. ينفلياتسيالىق كۇتۋلەردىڭ تۇراقتى دەڭگەيى، شيكىزات نارىقتارىنداعى احۋالدىڭ تۇراقتانۋى، سول سياقتى ورتا مەرزىمدى كەزەڭدەگى ينفلياتسيا دەڭگەيىنىڭ ودان ءارى تومەندەۋى اقشا-كرەديت تالاپتارىنىڭ جۇمسارۋىنا سەبەپ بولدى. بۇل رەتتە ۇلتتىق بانك، سىرتقى جاعدايلاردىڭ قۇبىلمالىلىعىن نازارعا الا وتىرىپ، بازالىق مولشەرلەمەنى قىسقا مەرزىمدى كەزەڭدە ودان ءارى تومەندەتۋ پەرسپەكتيۆالارىنا قاتىستى باعانى قايتا قارادى.

بانك وكىلدەرىنىڭ ايتۋىنشا، بازالىق مولشەرلەمە بويىنشا شەشىم مىناداي فاكتورلاردى ەسكەرە وتىرىپ قابىلداندى.

«2017 جىلعى شىلدەدە جىلدىق ينفلياتسيا ازىق-ت ۇلىك نارىقتارىندا باعانىڭ تومەندەۋىنىڭ ىقپالىمەن 7،1%-عا دەيىن باياۋلادى ءارى نىسانالى ءدالىزدىڭ ورتاسىندا تۇر. سونداي-اق، بازالىق ينفلياتسيا جىلدىق كورسەتۋدە تومەندەۋىن جالعاستىرۋدا. حالىقتىڭ ينفلياتسيالىق كۇتۋلەرى ورنىقتى بولىپ قالۋدا. ينفلياتسيا كورسەتكىشى 1 جىل بۇرىن 6،4% بولعان ەدى، سونداي-اق 2018 جىلعا ارنالعان نىسانالى ءدالىز شەگىندە قالىپ وتىر. ەكونوميكالىق بەلسەندىلىك قالپىنا كەلۋدى جالعاستىرۋدا، ىشكى تۇتىنۋ جانە ينۆەستيتسيالىق سۇرانىس سەرپىنىندە وڭ ۇردىستەر ساقتالۋدا. ەكونوميكا جاڭعىرعانىن ساۋدا، حالىقتى ەڭبەكپەن قامتۋ بويىنشا جانە سىرتقى سۇرانىس كورسەتكىشتەرى بويىنشا دەرەكتەر راستايدى. سونىمەن بىرگە، ناقتى ەڭبەكاقىنىڭ تەرىس سەرپىنى ينفلياتسيالىق تاۋەكەلدەردى شەكتەيدى. حالىقتى كرەديتتەۋدىڭ بىرتىندەپ ءوسۋى تۇتىنۋشىلىق سۇرانىسقا قولداۋ كورسەتۋدە. الايدا تۇتىنۋشىلىق كرەديتتەۋدىڭ بۇدان ءارى ءوسۋى جەكە تۇلعالارعا ارنالعان پايىزدىق مولشەرلەمەلەردىڭ سەرپىنىنە بايلانىستى بولادى.  ولار قازىرگى كەزدە بارىنشا جوعارى دەڭگەيدە ساقتالۋدا. سونداي-اق، شيكىزات نارىعىنداعى احۋالدىڭ تۇراقتانعانى ىقپال ەتىپ وتىر»، - دەدى بانكتەن.

بازالىق مولشەرلەمە بويىنشا كەزەكتى شەشىم 2017 جىلعى 9 قازاندا استانا ۋاقىتى بويىنشا ساعات 17:00-دە جاريالاناتىن بولادى.

سوڭعى جاڭالىقتار

ۇقساس جاڭالىقتار