جارىستىڭ ءۇشىنشى كۇنى اۋىر اتلەتيكادان 69 كەلىگە دەيىن سالماقتا سىنعا تۇسكەن ليندەر جارىس قورىتىندىسى بويىنشا 333 كەلى (148+185) زىلتەمىردى كوتەرىپ, ۋنيۆەرسيادا رەكوردىن ورناتتى.
وسى سالماقتا سىنعا تۇسكەن سولتۇستىككورەيالىق زىلتەمىرشى كيم مەن حەك 331 كەلىنى (153+178) ەڭسەرىپ, ۋنيۆەرسيادانىڭ كۇمىس جۇلدەگەرى اتاندى. 325 كەلىنى (145+179) باسىنان اسىرعان جاپون زىلتەمىرشىسى مياموتو ماسونوري قولا جۇلدە يەگەرى اتاندى. ايتا كەتەيىك, كەشە تاعى ءبىر قازاقستاندىق زىلتەمىرشى ارلي چونتەي قوسسايىس بويىنشا 258 كيلونى ەڭسەرىپ, قول مەدال يەلەنگەن بولاتىن.
قازاقستان قورجىنىندا ازىرگە ءبىر التىن, ءبىر قولا مەدال بار. جازعى ۋنيۆەرسيادا ويىندارى 30 تامىزعا دەيىن جالعاسادى. بۇل جارىستا قازاقستاندىق سپورتشىلار جەڭىل اتلەتيكا, ءجۇزۋ, بوكس, كۇرەس جانە باسقا دا سپورت تۇرلەرى بويىنشا سىنعا تۇسۋدە.
