القالى جيىنعا ءمۇفتياتتىڭ شەشىمىمەن قىزمەت كورسەتۋگە قابىلەتتى دەپ تانىلعان كومپانيا باسشىلارى قاتىستى. جيىندا ءسوز العان ەرجان قاجى مالعاجى ۇلى قاجىلىق فيرمالارى جەتەكشىلەرىنە قىزمەت ساپاسىنا اسا ءمان بەرۋدى تاپسىردى.
«قاجىلىق ماۋسىمى كەزەڭىندە ەلىمىزدەن اتتانعان قاجىلارىمىزعا ولارعا بەرگەن ۋادەلەرىڭىز بويىنشا قىزمەت كورسەتىلۋى شارت. ارنايى دايىندالعان قاجىلىق پاكەتتەرىنە (ەكونوم, ستاندارت) ساي قىزمەت كورسەتىڭىزدەر», – دەپ اتاپ ءوتتى باس ءمۇفتي.
سونداي-اق, اتالعان باسقوسۋدا قاجىلاردىڭ جول قاۋىپسىزدىگى, ولارعا العاشقى مەديتسينالىق كومەك كورسەتۋ, ۋاعىز ايتۋ, قاجىلىق پارىزدارى, ادەپتەرى مەن شارتتارىن ءتۇسىندىرۋ سياقتى وزگە دە ماسەلەلەر ءسوز بولدى. قمدب توراعاسى وسى ماسەلەلەر بويىنشا قاجىلىق ءبولىمى مەن قاجىلىق كومپانيا جەتەكشىلەرىنە ناقتى تاپسىرمالار بەردى.
