بارلىق جاعدايدابالالار تەرەزەنىڭ الدىنا ءوز بەتىمەن جانە تىرەۋىش رەتىندە ءار ءتۇرلى زاتتاردى قولدانا وتىرىپ شىققان, سونداي-اق بارلىقبالالار اتا-انانىڭ قاراۋىنسىز قالاعان.
مىسالى, اعىمداعى جىلعى 3 تامىزدا رەسپۋبليكا داڭعىلى 43ا مەكەنجايى بويىنشا بايقاۋسىزدا بالا 5 قاباتتىڭ تەرەزەسىنەن قۇلاپ, اۋرۋحاناعا جاتقىزىلدى. سونداي-اق 6 تامىزدا 187 كوشەسى, 14/4 ءۇي مەكەنجايى بويىنشا بەس قاباتتى ءۇيدىڭ 4 قاباتىنان اتا-اناسىنىڭ قاراۋىنسىز قالعان بالا قۇلاپ, اۋرۋحاناعا جەتكىزىلدى.
قۇتقارۋشىلاردىڭ بالالاردى قۇلاپ قالۋدان امان-ەسەن قۇتقارىپ العان جاعدايلار دا كەزدەسەدى. وسىلايشا وتكەن دەمالىس كۇندەرى قۇتقارۋشىلار كەزەكتى رەت كىشكەنتاي بالانىڭ تەرەزەدەن قۇلاپ قالۋىنىڭ الدىن الدى. بۇل وقيعا رىسقۇلبەكوۆ كوشەسى بويىنداعى تۇرعىن ۇيلەردىڭ بىرىندە بولدى. قۇتقارۋشىلار كەلىپ جەتكەندە بالا ەكىنشى قاباتتىڭ اشىق تۇرعان تەرەزەنىڭ الدىندا تۇردى. بالانىڭ قۇلاپ كەتۋ جاعدايىن ەسكەرىپ, قۇتقارۋشىلار ساقتاندىرۋ جانە سوققىنىڭ جەڭىل بولۋى ءۇشىن كورپەنى سوزىپ دايىندادى. الايدا, باقىتىنا قاراي قۇتقارۋشىلاردىڭ ءبىرى ساتى ارقىلى پاتەرگە كىرىپ, بالانى قۇتقاردى. وسى جاعدايدا دا كىشكەنتاي قىز بالا اتا-انانىڭ قاراۋىنسىز قالعان.
استانا قالاسىنىڭ توتەنشە جاعدايلار بويىنشا دەپارتامەنتى تۇرعىنداردى كىشكەنتاي بالالارىن قاراۋسىز قالدىرماۋعا شاقىرادى.
