مەملەكەت باسشىسىنىڭ تاپسىرماسىمەن قر پرەمەر-ءمينيسترى باقىتجان ساعىنتاەۆ جۇمىس ساپارىمەن اقمولا وبلىسىنا باردى, وندا ەلباسىنىڭ «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» جولداۋى مەن «بولاشاققا باعدار: رۋحاني جاڭعىرۋ» باعدارلامالىق ماقالاسىنداعى مىندەتتەردى ىسكە اسىرۋ بارىسىمەن تانىسادى.
وڭىرگە بارعان باقىتجان ساعىنتاەۆ ءبىرىنشى كەزەكتە «ەسىل اگرو» جشس ءسۇت-تاۋار فەرماسى مەن ەگىس القاپتارىن ارالادى, وندا اۋىل شارۋاشىلىعى ءوندىرىسىنىڭ تەحنولوگيالىق ەرەكشەلىكتەرىمەن جانە كاسىپورىندى ودان ءارى دامىتۋ كەلەشەگىمەن تانىستى.
باقىتجان ساعىنتاەۆ ءسۇت فەرماسىن ارالاۋ كەزىندە كاسىپورىننىڭ وندىرىستىك ۇدەرىستەرىمەن جانە دايىن ونىمدەر كورمەسىمەن تانىستى. قر پرەمەر-مينيسترىنە مۇندا وندىرىستىك قۋاتتىلىقتى 2 ەسەگە دەيىن ۇلعايتۋ جانە ساۋىن تابىنىن 2 400 باسقا دەيىن جەتكىزۋ كوزدەلىپ وتىرعانى تۋرالى اقپارات بەرىلدى.
بۇدان كەيىن باقىتجان ساعىنتاەۆ «ەسىل اگرو» جشس ەگىستىگىندە بولدى, وندا اقمولا وبلىسىنىڭ اۋىل شارۋاشىلىعى باسقارماسىنىڭ باسشىسى مۇرات بالپاننىڭ ەگىن جاعدايى تۋرالى بايانداماسىن تىڭدادى.
ايتا كەتۋ كەرەك, قر پرەزيدەنتى ن. نازارباەۆتىڭ «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» جولداۋىنا سايكەس وسىنداي كاسىپورىنداردى اشۋ ەلىمىزدە ەكونوميكالىق ءوسىمنىڭ جاڭا مودەلىن قالىپتاسىرۋ كەزىندە ماڭىزدى باعىتتاردىڭ بىرىنە اينالۋى ءتيىس. وسىعان وراي, بۇگىنگى كۇنى اوك دامىتۋدىڭ 2017-2021 جىلدارعا ارنالعان مەملەكەتتىك باعدارلاماسى اياسىندا وتاندىق اۋىل شارۋاشىلىعى وندىرۋشىلەرىنە كەشەندىك قولداۋ كورسەتىلىپ جاتىر. وندا جەڭىلدىكپەن نەسيەلەندىرۋ مەن قولداۋ كورسەتۋدىڭ وزگە دە تەتىكتەرى قاراستىرىلعان.
سونداي-اق, بۇگىن قر پرەمەر-ءمينيسترى وندىرىستىك جانە اۋىل شارۋاشىلىعى كاسىپورىندارىنىڭ, سپورت جانە تۋريستىك ينفراقۇرىلىم نىساندارىنىڭ جۇمىسىمەن تانىسادى, ولاردىڭ ىشىندە «ەسىل-اگرو» جشس, «تىنىس» اق, ششۋچينسك قالاسىنىڭ شاڭعى سپورتىنىڭ رەسپۋبليكالىق بازاسى, سونداي-اق بۋراباي اۋىلىنىڭ تۋريستىك نىساندارى بار.
باقىتجان ساعىنتاەۆ ششۋچينسك-بۋراباي كۋرورتتىق ايماعىن دامىتۋ ماسەلەلەرى جونىندە كەڭەس, «اتامەكەن» كاسىپكەرلەر پالاتاسىنىڭ وڭىرلىك كەڭەسىنىڭ مۇشەلەرىمەن شوب-ءتى دامىتۋ ماسەلەلەرى بويىنشا كەزدەسۋ, سونداي-اق ءونىمدى جۇمىسپەن قامتۋ جانە جاپپاي كاسىپكەرلىك باعدارلاماسى مەن «Cەرپىن» الەۋمەتتىك جوباسىن ىسكە اسىرۋ تۋرالى كەڭەس وتكىزەدى دەپ كۇتىلۋدە.
بۇدان وزگە, قر پرەمەر-ءمينيسترى باقىتجان ساعىنتاەۆ كوكشەتاۋ قالاسىنىڭ جۇمىسپەن قامتۋ ورتالىعىنىڭ جۇمىسىمەن جانە «ششۋچينسك – بۋراباي» اۆتوجولىن جوندەۋ ساپاسىمەن تانىسادى.
انىقتاما:
وڭىردە «قازاقستان جاۋھارى» اتالىپ كەتكەن بۋراباي ۇلتتىق ساياباعى بار, وندا 14 ءىرى كول, ونىڭ ىشىندە بۋراباي, شورتاندى, قوتىركول جانە كوپتەگەن ۇساق كولدەر ورنالاسقان. بۋراباي فاۋناسىندا ومىرتقالىلاردىڭ 300-گە جۋىق ءتۇرى, فلوراسىندا – ورمان, دالا, سورتاڭ وسىمدىكتەرىنىڭ 800-گە جۋىق ءتۇرى بار. مۇندا سونداي-اق كوپتەگەن شيپاجايلار مەن بالشىقپەن ەمدەيتىن ورىندار ورنالاسقان.
اقمولا وبلىسىنىڭ ءىرى جانە جۇيە قۇراۋشى كاسىپورىندارى «Altyntau Kokshetau» اق, «كاماز-ينجينيرينگ» اق, «ەپك-ستەپنوگورسك» اق, «قازاقالتىن» تمك» اق جانە «سگحك» جشس بولىپ تابىلادى. يندۋستريالاندىرۋ كارتاسى اياسىندا وبلىستا 623,3 ملرد تەڭگە ينۆەستيتسيا كولەمىمەن 17 جوبانى ىسكە اسىرۋ جالعاسۋدا. 2017 جىلى يدمب اياسىندا ولاردىڭ قۇنى 95,4 ملرد تەڭگە بولاتىن 1 119 جۇمىس ورنىن قۇرۋمەن 7 جوباسىن ەنگىزۋ جوسپارلانعان.
«ەسىل اگرو» جشس كاسىپورنى 2009 جىلى اشىلعان جانە قازىرگى تاڭدا مۇندا ءسۇت بەرۋ باعىتىندا - 1 609 ءىرى قارا مال مەن ەت بەرۋ باعىتىندا – 387 مال باسى بار. بۇدان وزگە, مۇندا 87 000 گا ا/ش القابى بار, سونىڭ ىشىندە ەگىستىك جەر – 41 366 گا جانە تابيعي جايىلىم جەرى – 45 634 گا. ولاردىڭ ورتاشا ونىمدىلىگى ءبىر گەكتاردان 15 تسەنتنەردى قۇرايدى, ولاردىڭ قاتارىندا ء داندى-بۇرشاقتى داقىلدار 22 500 توننا, مايلى داقىلدار – 2 500 توننا.
