كەنشىلەر شاھارى تاعى دا ءبىر يگىلىكتى ءىستىڭ جارشىسى بولدى. جۋىردا عانا جۇزەگە اسقان قاناتقاقتى جوبا – «امانات» قوعامدىق تانىم سىيلىعى قاراعاندى وڭىرىندەگى ءوز ۇزدىكتەرىن انىقتادى. اتالمىش سىيلىعى ەلىمىزدىڭ الەۋمەتتىك-ەكونوميكالىق ءارى قوعامدىق-رۋحاني ومىرىنە ەلەۋلى ۇلەسى بار تۇلعالارعا تابىستالادى.
ەلباسىمىز نۇرسۇلتان نازارباەۆتىڭ «بولاشاققا باعدار: رۋحاني جاڭعىرۋ» ماقالاسىندا ايتىلعان قازاقستان جاڭعىرۋىنىڭ ەڭ باستى نەگىزى – تاريحي, مادەني مۇرانى, رۋحاني قۇندىلىقتاردى ساقتاۋ, ۇلتتىق كودتى وياتۋ يدەياسىمەن ۇندەس جاڭا جوبا بۇگىندە «ادامداردىڭ ەلەۋلى جەتىستىكتەرى» قوعامدىق قورى, «نۇر وتان» پارتياسى, قازاقستان حالقى اسسامبلەياسى, سونداي-اق, قاراعاندى وبلىسى اكىمدىگىنەن قولداۋ تاۋىپ وتىر.
جالپى, بۇل باعدارلامالىق جوبا جاقىندا عانا جۇزەگە اسقانىمەن, يدەيا تامىرى تەرەڭدە جاتقاندىعى شىندىق. ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىندە وتكەن «امانات» قوعامدىق تانىم سىيلىعىن تاعايىنداۋ جونىندەگى قوعام وكىلدەرى كەڭەسىنىڭ ءبىرىنشى وتىرىسىندا كەڭەس توراعاسى مىرزاتاي جولداسبەكوۆ «باعزى زاماننان, مىڭداعان جىلداردان ءبىزدىڭ قازاق حالقىنىڭ, ارعى جاعىن ايتساق تۇركى, عۇن, ساق داۋىرىندە بايتاق دالانى, ۇلى دالا ەلى – قازاقستاندى مەكەندەگەن حالىقتىڭ ارمانىن ورىنداعان كىم؟ ول – نۇرسۇلتان نازارباەۆ. سوندىقتان ءبىز ءبىرىنشى سىيلىقتى ەلدىڭ سان مىڭ جىلدىق اماناتىن ورىنداعان دەپ ارداقتاپ, ەڭ الدىمەن بۇل سىيلىقتى ەلباسىنا بەرۋىمىز كەرەك», دەگەن پىكىر بىلدىرگەن بولاتىن.
شارا شىمىلدىعى قاراعاندى وبلىستىق ك.ستانيسلاۆسكي اتىنداعى ورىس دراما تەاترىندا ءتۇرىلدى. سالتاناتتى كەشكە «امانات» سىيلىعىن تاپسىرۋ بويىنشا كەڭەس توراعاسى, قوعام قايراتكەرى, فيلولوگيا عىلىمىنىڭ دوكتورى مىرزاتاي جولداسبەكوۆ باستاعان قازاقستان رەسپۋبليكاسى مادەنيەت جانە سپورت مينيسترلىگىنىڭ جاۋاپتى حاتشىسى قۋاتجان ۋاليەۆ, پارلامەنت ءماجىلىسىنىڭ دەپۋتاتى باقىتبەك سماعۇل, ۇلتتىق اگروونەركاسىپ پالاتاسىنىڭ توراعاسى قاجىمقان ءماسىموۆ, «ەگەمەن قازاقستان» رەسپۋبليكالىق گازەتى باسقارما توراعاسى دارxان قىدىرالى سونداي-اق, «ادامداردىڭ ەلەۋلى جەتىستىكتەرى» قوعامدىق قورىنىڭ پرەزيدەنتى زاۋرە بەيىسوۆا مەن «التىن ساپا» سىيلىعىنىڭ يەگەرى ىرزا تۇرسىنزادا قاتىستى.
جالپى, 100-دەن استام ءوتىنىمنىڭ ىشىنەن «امانات» سىيلىعىنا يە بولعان قاراعاندىلىق 7 ۇمىتكەر جاڭا جوبانىڭ جەڭىمپازدارى اتاندى. ولار, تەمىرتاۋ قالاسىنىڭ قۇرمەتتى ازاماتى, ەلباسىنىڭ سەرىكتەسى قۋانىش وماشەۆ, قازاقستاننىڭ ەڭبەك سىڭىرگەن قىزمەتكەرى, «پاراسات» وردەنىنىڭ كاۆالەرى رىمبالا وماربەكوۆا, كورنەكتى سۋرەتشى, ەلباسى باستاماسىمەن قۇرىلعان «اتوم» جوباسىنىڭ قۇرمەتتى ەلشىسى كارىپبەك كۇيىكوۆ, وبلىستىق ءماسليحات دەپۋتاتى ايمان تۇكباەۆا, «شىعىس» شارۋا قوجالىعىنىڭ باسشىسى شاميل وسين, قازاقستان حالقى اسسامبلەياسىنىڭ مۇشەسى ۆيلەن مولوتوۆ-لۋچانسكي, پارلامەنت ءماجىلىسىنىڭ دەپۋتاتى سەرىك ساپيەۆ جانە تەاتر جانە كينو اكتەرى, قازاقستاننىڭ ەڭبەك سىڭىرگەن قايراتكەرى قايرات كەمالوۆ.
ماراپاتتاۋ ءراسىمى دە ءوز ەرەكشەلىگىمەن كورەرمەندەردىڭ كوڭىل كوكجيەگىن كەڭگە قۇلاش سەرمەتتى. ايتالىق, سىيلىق يەلەرىنە تابىستالعان كۋبوكتىڭ وزىندە قانشاما ءمان-ماعىنا بار. شاڭىراق ۇلگىسىندە قۇيىلعان التىن تۇستەس كۋبوكتىڭ ىشىنە ارقانىڭ ءبىر ۋىس توپىراعى تۇيىلگەن. سىرتىن قاپتاعان بىلعارىعا «جەر – جۇرتقا امانات, جۇرت – ۇلتقا امانات, ۇلت – ەلگە امانات, ەل – ەرگە امانات! ەر – جانعا امانات, جان – تانگە امانات, ءبارى قۇدايعا امانات!» دەگەن باتالى ءسوز جازىلعان.
ودان بولەك, ءىس-شارا بارىسىندا «التىن وردا» اۆتورلىق ديزاين ءۇيىنىڭ پرەزيدەنتى ىرزا تۇرسىنزادانىڭ اۆتورلىق جوباسى «بابالار اماناتى» گالەرەياسىن جۇرت جىلى قابىلدادى. ول گالەرەيادا ارقانىڭ اۋزى دۋالى اتاقتى بي-شەشەندەرىنىڭ, اقىن-جازۋشىلارىنىڭ اتالى سوزدەرى جۇمساق ماتاعا التىن جىپپەن كەستەلەنىپ جازىلعان. بولاشاقتا قازاقستاننىڭ بارلىق ايماعىندا وتكەن ابىز دا اڭىز تۇلعالاردىڭ ءۋالى سوزدەرى وسى گالەرەيادا كورىنىس تاپپاق.
اتالمىش قور سونىمەن قاتار, «امانات» جوباسىنىڭ اياسىندا مəدەنيەت جəنە سپورت مينيسترلىگىنىڭ «قازاقستاننىڭ كيەلى جەرلەرىنىڭ گەوگرافياسى» جوباسىنا قولداۋ كورسەتۋ بارىسىندا قاراعاندى وبلىسىنىڭ تاريحي جəنە كورىكتى مەكەندەرىنە ەكسپەديتسيا جاساعان. «Vega Invest Films Media Production» پروديۋسەرلىك ورتالىعىمەن بىرلەسىپ بىرنەشە دەرەكتى فيلم تۇسىرگەن شىعارماشىل توپ سالتاناتتى كەشتە تۇساۋكەسەر جاسادى. ونىڭ سىرتىندا ازىرگە 30 مەترلىك «الەم كىلەمى» پاننوسى جۇرتقا تانىستىرىلدى.
سىيلىق مەملەكەتىمىزدىڭ ساياساتىن دارىپتەپ, ۇلتتىق قۇندىلىقتارىمىزدى جارىققا شىعارۋىمىزدان باستاۋ الادى. جالپى, «امانات» جوباسىنىڭ قاراعاندى وڭىرىنەن باستاۋ الۋى جايدان-جاي ەمەس. ول – ءبىزدىڭ كوشباسشىمىز نۇرسۇلتان نازارباەۆتىڭ سارىارقا جەرىندە ءوزىنىڭ ەڭبەك جولىن باستاپ, ساياساتكەر رەتىندە قالىپتاسقان ءومىر داڭعىلىن استارلاپ تۇر, – دەدى «نۇر وتان» پارتياسى قاراعاندى وبلىستىق فيليالى توراعاسىنىڭ ءبىرىنشى ورىنباسارى حاديشا وسپانوۆا.
«امانات» سىيلىعى الداعى ۋاقىتتا قازاقستاننىڭ تۇكپىر-تۇكپىرىندەگى ءوز قاھارماندارىن تاۋىپ, ەڭ نەگىزگى ماقساتى ادامزاتتىڭ اماناتىن ارقالاعان تۇلعالاردى الەم الدىندا تانىستىرۋ بولماق. سارقىلماس قۇندىلىقتاردى ساقتاپ, بولاشاققا جەتكىزۋ – امانات. ەندەشە ءبىز دە, ءداستۇرىمىزدى دارىپتەپ, ۇلتىمىزدى ۇلىقتايتىن امانات-جۇرەككە سالامات تىلەيىك!
ميراس اسان,
«ەگەمەن قازاقستان»
قاراعاندى وبلىسى
