وسىندا تۇراتىن قانداستارىمىز ۇيىمداستىرعان قۇرىلتايعا وڭىردەن ارنايى دەلەگاتسيا قاتىسىپ, ورتاقتاسىپ قايتتى.
بۇل جولعى باسقوسۋدى بەرديۋجە اۋدانىنىڭ اكىمشىلىگى مەن وسىندا جۇمىس جاسايتىن قازاقدياسپورا وكىلدىگى وتكىزىپ, ەرەكشە قوناقجايلىلىق تانىتتى. القالى باسقوسۋدا سويلەگەن شەشەندەر تۇمەننىڭ تورقالى توپىراعىندا وسىمەن 21-ءشى رەت اتاپ وتىلگەن قۇرىلتايدىڭ ەل مەن ەلدى بايلانىستىراتىن, حالىق پەن حالىقتى جاقىنداستىراتىن, دوستىق اتتى داڭعىل جولعا سۇرلەۋ سالاتىن تاربيەلىك ماڭىزىن, جاس بۋىندى انا ءتىلى مەن ۇلتتىق سالت-داستۇرلەرىن, ادەت-عۇرىپتارىن ۇمىتپاۋعا, تانىپ-بىلۋگە, قۇرمەتتەۋگە ۇمتىلدىراتىن يگى شارا ەكەنىن اتاپ كورسەتتى.
«جات جەردە جۇرسەك تە, ەش كەمدىك كورىپ وتىرعان جوقپىز. قازاقستاننىڭ, ەلباسى نۇرسۇلتان نازارباەۆتىڭ شەتتە جۇرگەن اعايىندارعا جاساپ وتىرعان جان-جاقتى قامقورلىعىنا شەكسىز ريزامىز. بۇرىن جاستارىمىز انا تىلىندە سويلەۋگە ۇيالاتىن. قازىرگى تالاپتارى زور. ءبىز ءوز تاراپىمىزدان ءتۇرلى بايقاۋلار, كونكۋرستار وتكىزىپ, قال-قادىرىمىزشە مۇرىندىق بولىپ كەلەمىز»,دەدى تۇمەن وبلىستىق قازاق ۇلتتىق-مادەني اۆتونومياسىنىڭ توراعاسى ەسىمحان جانتاسوۆ.
تەرىسكەيلىك دەلەگاتسيانى باستاپ بارعان وبلىستىق اسسامبلەيانىڭ حاتشىلىق مەڭگەرۋشىسى نايل ساليموۆ ەكى ءوڭىردى شەكارا ءبولىپ تۇرعانىمەن, مادەني-رۋحاني تۇتاستىق تەرەڭدە جاتقانىن, قاي سالادا بولماسىن بەرىك ىنتىماق ورناعانىن ايتا كەلىپ, ايماق باسشىسى قۇمار اقساقالوۆتىڭ اتىنان سىي-
تۇمەن توپىراعىنداعى قازاق تويىنىڭ اجارىن بالۋانداردىڭ كۇرەسى, الامان بايگە, ءداستۇرلى اندەر بايقاۋى, قىز سىنى ودان ءارى اشا ءتۇستى.
ءومىر ەسقالي.
«ەگەمەن قازاقستان».
سولتۇستىك قازاقستان وبلىسى..
