«قاراعاندى - تەمىرتاۋ» اۆتوجولى ۋچاسكەسىندە بەتون جابىنىن قالاۋ جانە ارماتۋرالاۋ جۇمىستارى جۇرگىزىلىپ جاتىر. «قازاۆتوجول» ۇك» اق قاراعاندى بولىمشەسىنىڭ ديرەكتورى قانات شايمين اۆتوكولىك جولىن جوندەۋ بارىسى مەن جوسپارداعى اياقتالۋ مەرزىمى تۋرالى باياندادى.
2015 جىلى «نۇرلى جول» ينفراقۇرىلىمدىق دامۋ مەملەكەتتىك باعدارلاماسى اياسىندا جوندەۋ جۇمىستارى باستالعان «ورتالىق - وڭتۇستىك» كولىك ءدالىزى ەل ەكونوميكاسى ءۇشىن ۇلكەن ماڭىزعا يە. بۇل دالىز كولىك-لوگيستيكالىق الەۋەتتى دامىتۋعا ىقپال ەتەتىن بولادى جانە قازاقستانعا الەمدىك كولىك جولدارىنا قوسىلۋعا ءارى ترانزيتتىك حالىقارالىق تاسىمالداردىڭ كولەمىن ارتتىرۋعا مۇمكىندىك بەرەدى.
بۇدان وزگە, وڭىرارالىق بايلانىس كۇشەيە تۇسەدى, تاسىمالداردىڭ الشاقتىعى مەن اۆتوكولىكتەردىڭ جولدا وتكىزەتىن ۋاقىتتارى قىسقارادى. سونىمەن قاتار قوزعالىس قاۋىپسىزدىگى ارتادى جانە اۆتوجولدارعا ىرگەلەس اۋماقتاردىڭ ەكولوگيالىق جاعدايى جاقسارادى.
رەكونسترۋكتسيالاۋ جۇمىستارىن جۇرگىزۋ جول بويى سەرۆيستەرىنىڭ دامۋىنا جانە جاڭا جۇمىس ورىندارىنىڭ اشىلۋىنا سەپتىگىن تيگىزەدى. سونداي-اق, كەمپينگتەر, جانارماي قۇيۋ ورىندارىن جانە دە جول بويىنداعى رەسپۋبليكالىق ماڭىزعا يە وزگە دە نىسانداردى ورنالاستىرۋعا زاماناۋي تالاپتار قويىلادى.
