اتىراۋ وبلىسىنىڭ يساتاي اۋدانىندا تۇراتىن زايىپحان ناۋرىزباەۆا – سولاردىڭ ءبىرى. ماكارون تسەحىن اشقىسى كەلگەن ول اۋداندىق كاسىپكەرلەر پالاتاسىنا بارىپ, مەملەكەتتەن بەرىلەتىن گرانتتى الۋعا قۇجاتتار تولتىرعان. باستاماسى ءساتتى بولدى. زايىپحان ناۋرىزباەۆا اتالعان باعدارلاما اياسىندا 1 ملن 700 مىڭ تەڭگە كولەمىندە قايتارىمسىز گرانت ۇتىپ الدى.
«گرانت قاراجاتىنا رەسەيگە ارنايى بارىپ, ماكارون تسەحىنىڭ تەحنولوگيالىق پروتسەستەرىمەن تانىستىق. قاجەتتى قۇرال-جابدىقتاردى ساتىپ الدىق. جولداسىم جامبىل تەحنولوگيالىق كوللەدجىندە وقىعان, سوندىقتان بۇل سالا بىزگە جاقسى تانىس. تسەح قۇرىلىسىنا اۋىل شارۋاشىلىعىن قولداۋ قورىنان قوسىمشا نەسيە الدىق. قازىر ماكاروننىڭ ەكى ءتۇرىن شىعارامىز, بولاشاقتا بيزنەسىمىزدى كەڭەيتكىمىز كەلەدى», دەيدى كاسىپكەر.
ساعاتىنا 80 كگ ءونىم شىعارىلاتىن تسەحتا ازىرگە كاسىپكەردىڭ وتباسى مۇشەلەرى جۇمىس ىستەيدى. يساتاي اۋدانىندا بۇعان دەيىن ماكارون تسەحى بولماعان. جاڭا باستاماعا قولداۋ كورسەتكەن يساتايلىقتاردىڭ جەرگىلىكتى ونىمگە سۇرانىسى جوعارى.
باقىتگۇل باباش,
«ەگەمەن قازاقستان»
