بۇدان بۇرىن سوڭعى اپتالارداعى مۋسسون جاڭبىرلى كەزەڭىندە شامامەن 230 ادامنىڭ قازا بولعانى ايتىلعان.
ء«ۇندىستان شتاتتارىنا كەلتىرىلگەن زالال تۋرالى اقپاراتتارعا سايكەس, جىل باسىنان بەرى نوسەرلى جاۋىن, سۋ تاسقىنى مەن لاي كوشكىنى سالدارىنان 600 ادام قازا بولعان. 226 ادام لاگەرلەردە ءومىر سۇرۋدە, 63 مىڭ ءۇي قيراپ, 280 مىڭ گەكتارعا جۋىق ەگىس القابى جارامسىز بولىپ قالعان», – دەپ مالىمدەدى مينيستر.
ءۇندىستاندا جىل سايىن ادام شىعىنىنا سەبەپ بولاتىن ەڭ قاۋىپتى تابيعي اپاتتاردىڭ ءبىرى – سۋ تاسقىنى. بيىلعى قاڭتار ايىندا ەلدىڭ مەتەورولوگيا دەپارتامەنتى 2016 جىلى قولايسىز اۋا رايى مەن تابيعي اپات سالدارىنان 1,6 مىڭعا جۋىق ادام اجال قۇشقانىن حابارلادى. ولاردىڭ باسىم بولىگى – 700-گە جۋىعى اپتاپ ىستىقتان قايتىس بولعان. ادام شىعىنى جاعىنان ەكىنشى ورىندا سۋ تاسقىنى تۇر – 475 ادام كوز جۇمعان. تاعى 415 ادامدى نايزاعاي سوعىپ ولتىرگەن.
