وقيعا ءتۇس كەزىندە بولعان. قىزمەتكەرلەردەن تەك جالعىز قىز قالعانىن پايدالانعان كۇدىكتى دۇكەنگە قاراپايىم ساتىپ الۋشى بولىپ كىرگەن. ول قىزمەتكەردى ۇرىپ, ەسىنەن تاندىرعان. كەيىن سەيفتى اشۋعا تىرىسقان كەزدە دابىل قاعىلعان.
وقيعا ورنىنا كەلىپ جەتكەن پوليتسيا قىزمەتكەرلەرى مەن دۇكەن قوجايىنى جەردە ەس-ءتۇسسىز جاتقان قىزمەتكەردى بايقاعان, ارتىنشا قوسالقى بولمەدە جاسىرىنباق بولعان كۇدىكتىنى ۇستاعان.
توناۋشى 5,4 ملن دوللاردىڭ 8 گاۋھار تاسىن قولدى ەتكەنى انىقتالدى. سونداي-اق ءتارتىپ ساقشىلارى توناۋشىنى تاعى 9 باعالى تاستى جۇتىپ قويدى دەگەن كۇدىكپەن جەرگىلىكتى اۋرۋحاناعا الىپ كەتكەن.
الدىن الا تەرگەۋ بارىسىندا ونىڭ يوردانيا ازاماتى ەكەنى, گونكونگقا تۋريستىك ۆيزامەن كىرگەنى ءمالىم بولدى.
