باستاپقىدا رالليمەن جاستىق قىزىعۋشىلىقپەن اينالىسىپ باستاعان قوس جىگىت – كيريلل چەرنەنكوۆ پەن الەكسەي مۋن اتالمىش سايىستا 1-ورىنعا قول جەتكىزىپ, جۇرتشىلىقتى تاڭعالدىردى. بۇدان ون جىل بۇرىن سپورتتىڭ وسى تۇرىمەن شۇعىلدانعان جىگىتتەر ءوز قاراجاتتارىنا «نيسسان» اۆتوكولىگىن ساتىپ الىپ, ماڭعىستاۋدىڭ ويلى-قىرلى جەرلەرىندە, سەنەك, ۇشتاعان وڭىرلەرىندەگى قۇمدارعا جاتتىعا باستايدى. اسىرەسە, «جىبەك جولى» سايىسىنا دايىندىقتى ءبىر جىل بويى ۇزبەي اتالمىش قۇمداردا وتكىزەدى. 14 كەزەڭدە 9 مىڭ شاقىرىمدى ءجۇرىپ ءوتىپ, نەبىر تابيعاتتىڭ توسىن مىنەزدەرىنە تاپ بولعان, قيىن جەرلەرمەن ءجۇرىپ وتكەن اقتاۋلىق پيلوتتار جەڭىمپاز بولعاندارىنا العاشىندا وزگە تۇگىلى, وزدەرى دە سەنبەگەن. اقتاۋلىق 30 جاستاعى رالليشىلەر ەندى «راللي داكارعا» قاتىسۋ ءۇشىن دايىندىقتى باستاپ كەتتى.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى
