مىڭ جاساعان شاھاردىڭ وقۋشىلار سارايىنىڭ جانىندا اتالمىش وزەننىڭ قالاعا كىرەر تۇستا گۇرىلدەپ, بۇلقىنىپ جاتۋى ادەمى ورنەك تاپقانداي ەكەن. بۇرىندارى مۇندا اقساقالدار سەرۋەن قۇرسا, ەندى قالالىق ۇيىمدار باس-كوز بولىپ, جازعى كانيكۋلدا جۇرگەن وقۋشى بالالاردىڭ دا دەمالىسىن ءساتتى وتكىزۋىنە مۇرىندىق بولىپتى.
ۇلكەن الماتى وزەنىنىڭ وسى اۋماعى وزگەرىپ سالا بەرگەن. تەرەك پەن قايىڭ قۇلپىرىپ, ويىن الاڭدارى مەن اتكەنشەكتەر كەلىستى بوياۋىن تاپقان. وزەن جاعاسىندا جىل ساناۋىمىز بويىنشا ون ەكى تاس ءمانىسىن ايشىقتايدى. بيىلعى جىل تاۋىق جىلىنان باستالىپ, ءاربىر جىلدىڭ بەينەسى – ءوز كەيىپكەرى سۋرەتتەلەدى. ويىن بالاسى ءۇشىن ونىڭ ءمانىن ۇعىنۋعا, تاستىڭ تاڭبالارىن تۇسىنۋگە تاپتىرمايتىن دۇنيەلەر. تاستاعى تاڭبالار جانۋارلار الەمىن تانىستىرا تۇسەدى. جاراتىلىستىڭ تىلسىم الەمىن كوز الدىڭا اكەلەدى. تاۋ وزەنىنىڭ گۇرىلدەگەن تاڭعى سارىنى الىستارعا كەتەدى. بالالاردىڭ بال كۇلكىسى قالانىڭ مازاسىز كولىكتەرىنىڭ شۋىلىنان الىس, شالعىندى قويناۋدان ەستىلەدى.تەرەنكۋردەگى تاڭبالى تاستار ايشىقتى ورنەكتەرىمەن بالالاردى تارتىمدى ويلارعا جەتەلەيدى.
ساپارباي پارمانقۇل,
«ەگەمەن قازاقستان»
الماتى
