ولارعا رەسەيدىڭ سامارا مەملەكەتتىك مەديتسينالىق ۋنيۆەرسيتەتىنىڭ مەيىرگەرلەرگە ءبىلىم بەرۋ ينستيتۋتىنىڭ ديرەكتورى, مەديتسينا عىلىمدارىنىڭ دوكتورى ل.كاراسەۆا ءدارىس وقىدى. باتىس قازاقستان وبلىسى دەنساۋلىق ساقتاۋ باسقارماسىنىڭ باس مامانى قارلىعاش سادىقوۆا دا تاجىريبەسىمەن ءبولىسىپ, قازىرگى مەديتسينانىڭ قاعيدالارى جايىندا ايتتى. ەلىمىزدەگى دەنساۋلىق ساقتاۋ سالاسىن دامىتۋ باعدارلاماسى اياسىندا مەيىرگەرلەر ءىسى قىزمەتىنە ەرەكشە كوڭىل ءبولىنىپ كەلەدى. بۇگىندە ورتا بۋىن مەديتسينا قىزمەتكەرلەرى سۇرانىسقا يە ماماندار قاتارىندا. ولاردى دايارلاۋ جۇيەسى دە جەتىلدىرىلدى. اتىراۋ مەديتسينا كوللەدجىنىڭ ديرەكتورى لاۋرا قۇباەۆا سامارا مەملەكەتتىك مەديتسينالىق ۋنيۆەرسيتەتى مەن كوللەدج اراسىندا ىنتىماقتاستىق تۋرالى كەلىسىمگە قول قويىلعانىن ايتادى. حالىقارالىق دەڭگەيگە باعىتتالعان مەيىرگەر ءىسى قىزمەتىن دامىتۋ بويىنشا ءبىلىم ورداسىندا ناقتى شارالار جۇزەگە اسىرىلا باستادى. اتىراۋ مەديتسينا كوللەدجى 2019 جىلى جوعارى مەديتسينالىق كوللەدج بولادى. سوعان بايلانىستى كوللەدج وقىتۋشىلارىنىڭ بىلىكتىلىگىن كوتەرۋ ماسەلەسى نازار اۋدارتىپ وتىر.
– ايماقتا مەيىربيكە ءىسى ماماندىعى بويىنشا ماگيستر مامان جوق, – دەيدى وبلىستىق دەنساۋلىق ساقتاۋ باسقارماسىنىڭ باسشىسى مانشۇك ايمۇرزيەۆا. – سوندىقتان وڭىردەگى مەيىربيكەلەر اراسىنان اعىلشىن ءتىلىن جەتىك بىلەتىن ءۇش مامان پولشاعا تاجىريبەدەن وتۋگە جىبەرىلەدى, تاعى ءۇش ماماندى ماگيستراتۋرادا وقىتۋدى جوس-پارلاپ وتىرمىز. ورتا بۋىن مەديتسينا قىزمەتكەرلەرى بار بىلگەندەرىمەن شەكتەلىپ قالماي, زامانعا ساي ىزدەنۋلەرى, ءتىل ۇيرەنىپ, جاڭا تەحنولوگيالاردى قولدانۋى كەرەك. ول ءۇشىن اتىراۋ وبلىسىندا بارلىق جاعداي جاسالعان.
ايماقتاعى ورتا بۋىن مەديتسينا قىزمەتكەرلەرى ءۇشىن جاڭادان اشىلعان «باس مەيىرگەرلەر مەكتەبىنىڭ» ماڭىزى زور بولماق. مەيىرگەرلىك كومەكتىڭ جوعارى كاسىبي دەڭگەيىن قامتاماسىز ەتۋگە باعىتتالعان جۇمىستاردى جۇرگىزەتىن مەكتەپ ءتۇرلى سەمينارلار مەن شارالار ۇيىمداستىرۋ, مامانداردى باسقا وڭىرلەرگە, شەتەلدەرگە تاجىريبەدەن وتۋگە جىبەرۋ سىندى قىزمەتتەردى دە اتقارادى.
باقىتگۇل باباش,
«ەگەمەن قازاقستان»
اتىراۋ
