«وتە قايعىلى جاعداي. ارتىندا وتباسى, بالالارى قالدى. قولدان كەلگەنشە ماتەريالدىق كومەك كورسەتىلەدى. قازىر ولاردىڭ ماعلۇماتتارىن وبلىستان دا سۇراپ جاتىر. وبلىستىق اكىمدىكتەن دە كومەك بولىپ قالۋى مۇمكىن. ازىرگە قانداي كولەمدە ەكەنىن ايتا المايمىن. اۋدان اكىمى ءىسساپاردان كەلگەن سوڭ بەلگىلى بولادى», - دەدى شۋحرات قۇربانوۆ.
ەسكە سالا كەتەيىك, توتەنشە جاعداي بۇگىن تاڭەرتەڭ پانفيلوۆ اۋدانىندا شولاقاي اۋىلىنا جاقىن جەردە بولعان. جۇگەرى ەگىستىگىن وڭدەۋگە شىققان ياك-12 ۇشاعى قۇلاپ, ارتىنان ورتەنە باستاعان.
بورتتا 54 جاستاعى ۇشقىش, قاراعاندى وبلىسىنىڭ تۋماسى حاميت اقبەرگەنوۆ پەن 39 جاستاعى جولاۋشى, «ارشيدينوۆ» شارۋا قوجالىعىنىڭ باسشىسى ءماسىمجان ءماسىموۆ بولعان. ەكەۋى دە قازا بولدى.
قازىر وقيعا ورنىندا تالدىقورعان كولىك پروكۋرورى, الماتى-1 ستانساسى ىشكى ىستەر جەلىلىك ءبولىمى, التىنكول ستانساسىنىڭ جەلىلىك ءبولىمى, پانفيلوۆ اۋداندىق تجد ماماندارى جۇمىس ىستەپ جاتىر.
اتالعان دەرەك الماتى اۋەجايىنىڭ قر قك 344 بابىنىڭ 3 ءبولىمى بويىنشا سوتقا دەيىنگى بىرىڭعاي تەرگەۋ ءىسى رەەسترىنە تىركەلدى. مينيسترلىك توتەنشە جاعدايدىڭ سەبەپتەرىن انىقتاۋ ءۇشىن تەكسەرۋ جۇمىستارى تۋرالى بۇيرىق شىعارماق.
مامانداردىڭ ايتۋىنشا, اتالعان ۇشاقتىڭ ۇشۋعا قاجەتتى بارلىق قۇجاتتارى بولعان.
سونداي-اق, قر يدم كولىك وقيعالارى مەن وقىس وقيعالاردى تەكسەرۋ دەپارتامەنتىنىڭ باسشىسى جانىبەك تايجانوۆ الماتى وبلىسىندا ياك-12 ۇشاعىنىڭ قۇلاۋىنىڭ ىقتيمال سەبەپتەرىن مالىمدەدى.
ونىڭ ايتۋىنشا, اۋە كەمەسى جەرگە تيگەندە اپاتقا ۇشىراعان بولۋى مۇمكىن.
