چاپلين سينەما (Meگا سيلك ۋەي) كينوتەاترىندا ۇسىنىلعان «ورالمان» جانە ء«بىز» فيلمدەرى رەجيسسەرلەرىنىڭ قاتىسۋىمەن وتكەن ءباسپاسوز ءماسليحاتىن قازاقستاندىق تانىمال رەجيسسەر ەرمەك شىنارباەۆ جۇرگىزدى. مودەراتور «ورالمان» كارتيناسى تۋرالى: «قازاقتاردىڭ قازىرگى ومىرىندەگى ەڭ قيىن پروبلەمالاردى اشىق جەتكىزگەن قازاقتىڭ ءبىرىنشى كارتيناسى. بۇل – وتە تاڭقالارلىق جاعداي. ايتا كەتەرلىگى, كەيبىر رەجيسسەرلەر كارتينا پلاستيكاسىنا اسا ءمان بەرە قويمايدى. ال سۋرەتشى رەتىندە ءسابيت قۇرمانبەك كارتينانى وتە جاقسى كورسەتە بىلگەن», دەگەن پىكىر ايتتى.
ءباسپاسوز ءماسليحاتىندا رەجيسسەرلەر وزدەرىنىڭ ەكراندىق تۋىندىلارى تۋرالى ويلارىن ورتاعا سالدى. العاشقى بولىپ ءسوز العان «ورالمان» ءفيلمىنىڭ رەجيسسەرى ءسابيت قۇرمانبەك ەكى فيلم اراسىنداعى ۇقساستىق تۋرالى بىلاي دەدى: «ەڭ قىزىعى, مەنىڭ كارتينام مەن يسپاندىق ءفيلمنىڭ اراسىندا كوپتەگەن ۇقساستىقتى كەزدەستىرۋگە بولادى. نەگە دەيسىز بە؟ سەبەبى, «ورالمان» جانە ء«بىز» كارتينالارى ادامعا جاعىمدى اسەر بەرە الادى. ءوز كەيىپكەرلەرىنىڭ وتە قيىن جاعدايىن سۋرەتتەپ قانا قويماي, ماسەلەنىڭ ءمانىن اشۋعا تىرىسادى».
ء«بىز» ءفيلمى تۋرالى پروديۋسەر تاسيو وۆەجەرو: «بۇل تۋىندىدا ءبىز جاس بۋىندى كورسەتەمىز. ءتۇسىرىلىم يسپانياداعى ەڭ ماڭىزدى كۇن – بۇكىلحالىقتىق سايلاۋ كەزىندە ورىن الادى. بۇل وقيعا ومىرلەرىندە بەلگىلى ءبىر نارسەنى وزگەرتۋ كەرەك بولىپ جانە ناقتى شەشىم قابىلداۋعا بەل بۋعان بەس دوس جايىندا», – دەپ مالىمدەدى.
ەسكە سالا كەتەيىك, ءحىىى حالىقارالىق «ەۋرازيا-2017» كينوفەستيۆالىنىڭ كورسەتىلىمى 23 شىلدەدە باستالعان بولاتىن. كەشە نەگىزگى كونكۋرستىق باعدارلاماعا قاتىسۋشى 13 كارتينانىڭ 2-ەۋى كورەرمەنگە ۇسىنىلدى. ولار: «مەنىڭ باقىتتى وتباسىم» (گەرمانيا) جانە «جالىن ورتاسىندا» (تۇركيا) فيلمدەرى. كورسەتىلىمنەن كەيىن كورەرمەندەرگە اۆتورلارمەن جەكە تىلدەسىپ, سۇراق قويۋلارىنا مۇمكىندىك تۋعىزىلدى. سونىمەن بىرگە 23 شىلدەدەن باستاپ قىسقامەترلى فيلمدەردىڭ كورسەتىلىمى دە قاتار وتۋدە. بايقاۋ بەس بلوكقا بولىنگەن, سىنعا 30 قىسقامەترلى فيلم قاتىستىرىلىپ وتىر.
نەگىزگى بايقاۋعا قاتىسۋشى «مەنىڭ باقىتتى وتباسىم» فيلمىنە كەلسەك, ورىس ءتىلى مەن ادەبيەتى ءپانىنىڭ مۇعالىمى مانانا مەن كۇيەۋى,ەكى ەرجەتكەن بالاسى جانە كۇيەۋ بالاسىمەن بىرگە تبيليسيدە, ءۇش بولمەلى پاتەردە 25 جىلدان بەرى تۇرىپ كەلەدى. ءوزى 52 جاسقا تولار الدىنداعى كۇنى كەنەتتەن وتباسىنا ۇيدەن كەتەتىنىن ايتادى.
فيلم رەجيسسەرى نانا ەكۆتيميشۆيلي, 1978 جىلى تبيليسيدە تۋعان. پوتسدام-بابەلسبەرگ كينو مەكتەبىندە دراما جانە ساحنالىق ءىس بويىنشا وقىعان. سايمون گروسسپەن بىرلەسىپ, «پولەير فيلم» ستۋدياسىن قۇرعان. ولاردىڭ «گۇلدەگەندە» ءفيلمى حالىقارالىق كينوفەستيۆالدەردىڭ 30 شاقتى ماراپاتىنا يە بولعان. ال سايمون گروسس, 1976 جىلى بەرليندە تۋعان. ميۋنحەن كينومەكتەبىندە رەجيسسۋرا ماماندىعىن وقىعان. 2014 جىلى نانا ەكۆتيميشۆيلي ەكەۋىنىڭ ءفيلمى گرۋزيادان امەريكا كينواكادەمياسىنا شەت تىلىندەگى ەڭ ۇزدىك فيلم جۇلدەسىنە ۇسىنىلعان.
«جالىن ورتاسىندا» فيلمىندە حاسرەت ءتۇس كورۋدەن شارشايدى. كۇندە تاڭەرتەڭ ول قورقىنىشتى تۇستەن شوشىپ ويانادى جانە ونى «اكە-شەشەسى وسىدان جيىرما جىل بۇرىن شىنىمەن اۆتوكولىك اپاتىنان قايتىس بولدى ما؟» دەگەن وي مازالاي بەرەدى.
فيلم رەجيسسەرى دجەيلان وزگيۋن وزچەليك, 1980 جىلى ريزەدە تۋعان. مارمار ۋنيۆەرسيتەتىندە قۇقىقتانۋ ماماندىعى بويىنشا ءبىلىم العان ول بۇگىندە – تەلەارنادا جازۋشى-ستسەناريست, راديوستانسادا دي-دجەي, تەلەشوۋلاردىڭ جۇرگىزۋشىسى ءارى كينوسىنشى.
قارشىعا كۇلەن
