جاقسى ويىن كورسەتتىك, جوسپارىمىزدى جۇزەگە اسىرا بىلدىك. بىراق بۇل ماتچتا مۇمكىندىكتەرىمىزدىڭ تەك 50 پايىزىن عانا پايدالاندىق. ەكىنشى ويىن سىرت الاڭدا وڭاي بولماسى بەلگىلى. بۇل ماتچتا دا وسى قالپىمىزدا ويناۋعا تىرىسامىز. «لەگيانىڭ» تالاناتتى ويىنشىلارى بار ەكەنى بەلگىلى بولدى.
ستاديونداعى جانكۇيەرلەردىڭ قولداۋى جەڭىسكە قانشالىقتى اسەر ەتتى دەپ ويلايسىز؟
ءبىزدى قولداعان جاندارعا العىسىمىز شەكسىز. ءوز الاڭىمىزدا ون ەكىنشى ويىنشىمىزدىڭ قولداۋى جەڭىسكە ۇلكەن اسەرىن تيگىزدى.
تورەشىنىڭ كەيبىر شەشىمدەرىنە نارازى ەمەسسىز بە؟
مەن تورەشىنى سىناعاندى ۇناتپايمىن. ءوز باسىم كابانانگانى بەتىنەن ۇرىپ قۇلاتقان ءساتتى عانا انىق كورە الدىم. ال قالعانىن بايقاپ ۇلگەرمەدىم.
«سپارتاكقا» قارسى ەكىنشى ويىننان كەيىن «استانا» بوساڭسىپ قالعانداي بولدى. ال بۇل ماتچتا باسقا كوماندانى كورگەندەي بولدىق.
جىگىتتەرىمىز جيناقى ويناپ, قارسى شابۋىلعا ۋاقىتىندا شىعىپ تۇردى. بىراق قاقپامىزعا گول جىبەرىپ العانىمىز بىزگە قيىنداۋ بولىپ تۇر. ەكىنشى ويىن وڭاي بولماسى انىق.
دەسپوتوۆيچ جاراقات الىپ قالدى. ونىڭ جاعدايىن قانشالىقتى باعالايسىز؟
دەسپوتوۆيچتىڭ جاعدايى قيىنداۋ سياقتى. ونىڭ قاتاردان شىعىپ قالعانى ماڭىزدى ساتتە قيىن بولعانى انىق.
ۆارشاۆادا قانداي ويىن كۇتەمىز؟ كوماندا قورعانىسقا كوبىرەك كوڭىل بولە مە, الدە..؟
ۆارشاۆادا ءبىزدى ناعىز سىن ءساتى كۇتىپ تۇر. ءبىز وسى ماتچتاعى دەڭگەيدە ويناۋ ءۇشىن بارىمىزدى سالامىز. وسى كۇنگە دەيىن ناقتى قورعانىسقا جاتىپ العان ەمەسپىن.
ۆارشاۆادا نەدەن قاۋىپتەنەسىز؟
ەڭ ءبىرىنشى ءوز كوماندامنان قاۋىپتەنەمىن. ءبارى بۇگىنگىدەي وتسە نۇر ۇستىنە نۇر بولار ەدى.
رومان مۇرتازاەۆ پەن ەۆگەني پوستنيكوۆتى الماستىرۋىڭىزدىڭ باستى سەبەبى نەدە؟
مۇرتازاەۆ تالانتتى ءارى جاس ويىنشى. العاشقى تايمدا جاقسى ويناعانمەن, ەكىنشى تايمدا شابۋىلعا دەر كەزىندە ىلەسە الماعانىن بايقادىم. سونداي-اق, قورعانىسىمىز دا ازداپ سىر بەرە باستاعانداي بولدى. سول ءۇشىن پوستنيكوۆتى شىعارۋدى ءجون كوردىم. بىراق بۇل تەك قورعانىسقا جاتىپ الۋدى كوزدەگەنىم ەمەس ەدى. ءالى دە بولسىن مۇمكىندىكتەرىمىز بولاتىنىن ءبىلدىم. بايقاساڭىزدار ءۇشىنشى گول سوعىلعاننان كەيىن دە ويىنشىلارىم قارىمتا شابۋىلعا شىعىپ جاتتى.
«استانانىڭ» وسىعان دەيىنگى ەۋروپادا ويناعان قارسىلاستارىنان «لەگيانى» كىمنىڭ دەڭگەيىنە ساي دەپ ويلايسىز؟
«سەلتيكپەن» ءبىر دەڭگەيدە دەپ ويلايمىن.
وسىنداي ماڭىزدى كەزدە دەسپوتوۆيچ جاراقات الىپ قالدى. ال «توبىلعا» جالمۇقان مەن لۋلاكۋدى جالعا بەرگەندەرىڭىزگە وكىنبەيسىز بە؟
ترانسفەرلىك تەرەزە 10 شىلدەدە جابىلادى. وسىعان دەيىن توماسوۆ قوسىلىپ ۇلگەرەدى دەپ ويلايدىق. سونىمەن قاتار, شابۋىلدا وينايتىن تاعى ءبىر ويىنشى الامىز دەپ جوسپارلادىق. بىراق سوڭعى ساتتە بۇل ويىمىز دا جۇزەگە اسپادى.
موكين, تۆۋماسي, كابانانگا جاقسى ونەر كورسەتتى. كىمدى ۇزدىك دەپ ويلايسىز؟
ۇزدىك «استانا» كومانداسى!
ايان ءابدۋالي,
"ەگەمەن قازاقستان"
