يسپانيانىڭ ەڭ ءىرى قوعامدىق عىلىمي-زەرتتەۋ ينستيتۋتى – (ConsejoSuperiordeInvestiqacionesCientificas (CSIC) عىلىمي-زەرتتەۋ جونىندەگى جوعارعى كەڭەسى Webometrics «TRANSPARENT RANKING: Top Universities by Gooqle Scholar Citanions» رەيتينگىسىنىڭ قورىتىندىسىن جاريالادى.
ل.ن. گۋميلەۆ اتىنداعى ەۋرازيا ۇلتتىق ۋنيۆەرسيتەتى الەمدىك ءبىلىم كەڭىستىگىندە باسەكەگە قابىلەتتى ەكەندىگىن تاعى دا دالەلدەپ, الەمدەگى ۇزدىك 4 982 ۋنيۆەرسيتەت اراسىندا 725-ورىنعا كوتەرىلدى. بۇل رەيتينگكە رەسپۋبليكامىز بويىنشا التى جوعارى وقۋ ورنى قاتىسقان: ەكىنشى ورىندا – نازارباەۆ ۋنيۆەرسيتەتى (1 382 ورىن), ءۇشىنشى ورىندا ءال-فارابي اتىنداعى قازاق ۇلتتىق ۋنيۆەرسيتەتى (3 559 ورىن). سونىمەن قاتار ق.ساتباەۆ اتىنداعى قازاق ۇلتتىق تەحنيكالىق ۋنيۆەرسيتەتى – 4 077 ورىندى, قازاق-بريتان تەحنيكالىق ۋنيۆەرسيتەتى – 4 932 ورىندى, س. اسفەندياروۆ اتىنداعى قازاق ۇلتتىق مەديتسينالىق ۋنيۆەرسيتەتى 4 961 ورىندى يەلەندى.
ەۋرازيا ۇلتتىق ۋنيۆەرسيتەتى قازاقستان مەن ورتا ازيانى بىلاي قويعاندا, تمد ەلدەرىنىڭ جوو-لارى اراسىندا وزىق جەتىستىككە جەتىپ وتىر. شەتەلدىك ساراپشىلاردىڭ پىكىرىنشە, وتە قىسقا مەرزىم ىشىندە الەمنىڭ ەڭ ۇزدىك ۋنيۆەرسيتتەرى قاتارىنا ەنىپ, وسىنداي جەتىستىككە جەتۋ – ناعىز الەمدىك فەنومەن جانە قارقىندى تۇردە العا ىلگەرىلەۋ. بۇل ل.ن. گۋميلەۆ اتىنداعى ەۋرازيا ۇلتتىق ۋنيۆەرسيتەتى ۇجىمىنىڭ كاسىبي دەڭگەيىنىڭ جوعارى ەكەنىن جانە جۇمىستى جۇمىلىپ اتقارىپ وتىرعانىن دالەلدەيدى.
Cونداي-اق ەڭ ءىرى قوعامدىق عىلىمي-زەرتتەۋ ينستيتۋتى – (ConsejoSuperiordeInvestiqacionesCientificas (CSIC) جوعارعى كەڭەسى Webometrics Rankingof World Repositories رەيتينگىسىنىڭ شىعارعان قورىتىندىسى بويىنشا ەۋرازيا ۇلتتىق ۋنيۆەرسيتەتى الەمدىك دەڭگەيدە 878, قازاقستان بويىنشا ءى ورىن يەلەندى.
Webometrics رەيتينگىسىندە باعالاۋدىڭ ماڭىزدى كريتەريى – عالامتور جەلىسىندە ۇسىنىلعان عىلىمي ماقالالار, جوو عالىمدارىنىڭ زەرتتەۋلەرى مەن ولاردىڭ دايەكسوز كورسەتكىشىنىڭ بولۋى. ايتا كەتكەن ءجون, 2017 جىلعى شىلدەدەگى رەيتينگ بويىنشا قازاقستاندىق 8 ەلەكتروندى عىلىمي مۇراعات ۇسىنىلسا, قاڭتار ايىنداعى كورسەتكىش بويىنشا ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتى الەمدىك ساتىدا 1 973, رەسپۋبليكا بويىنشا 4-ءشى ورىنعا تۇراقتاعان بولاتىن.
بۇگىندە «ەۋرازيالىقتاردىڭ» ەلەكتروندىق عىلىمي ماقالالارعا اشىق قولجەتىمىدىلىك مۇمكىندىگىمەن قامتاماسىز ەتەتىن ەۋرازيا ۇلتتىق ۋنيۆەرسيتەتىنىڭ رەپوزيتوري قورىندا 10 000-نان استام ماتەريال بار. بۇل رەتتە ل.ن. گۋميلەۆ اتىنداعى ەۇۋ قازاقستاندىق جوو اراسىندا العاش بولىپ شەتەلدەگىدەي ماقالالارعا ەركىن قولجەتىمدىلىك مۇمكىندىگىن تاجىريبەدە قولدانىپ كەلەدى.
