«باعدارلاما اياسىندا ومارتاشىلار مەن گۇلدى وسىمدىكتەر وسىرەتىن ديقاندارعا جىل سايىن دەمەۋقارجى بەرىلسە, قۇبا قۇپ بولار ەدى. ءبىز قازىر جەرگىلىكتى اگروقۇرىلدارمەن ىنتىماقتاسا جۇمىس ىستەۋدىڭ ارقاسىندا اسىل تۇقىمدى ارالار وسىرۋگە ەرەكشە دەن قويىپ ءجۇرمىز», – دەيدى وبلىستىق ومارتاشىلار قاۋىمداستىعىنىڭ باسشىلىعى.
بۇگىنگى كۇنى وبلىستا كەڭ قانات جايعان مۇنداي قوس تاراپتىق جۇمىس تاجىريبەسىنىڭ جەمىسىن كورىپ كەلە جاتقانداردىڭ ءبىرى – ولەگ گاۆريلوۆ. ول جەتەكشىلىك ەتەتىن «پاسەكا-قىزىلجار» جشس-ءنىڭ ومارتاشىلارى ەسىل, تايىنشا, مامليۋت اۋداندارىنداعى اگروقۇرىلىمداردىڭ القاپتارىندا ورنالاسقان. ارالار تۇيەشوپ, كۇنباعىس, مايلى, جەمازىق داقىلدارىن توزاڭداندىرىپ, وسىمدىكتەردىڭ شىعىمدىلىعىن 30 پايىزعا دەيىن ارتتىرادى. ناۋقان باستالعاننان بەرى 1,5 توننا بال جينالىپتى.
«ەگىن» شارۋاشىلىعىنىڭ القابىندا وڭتۇستىكقازاقستاندىق «بوچكا س مەدوم» سەرىكتەستىگىنىڭ ارا وسىرۋشىلەرى ءجۇر. ولار تەرىسكەيگە ءبىرىنشى رەت كەلگەندەرىنە قاراماستان ارا شارۋاشىلىعىن دامىتۋعا بارلىق جاعداي جاسالعاندارىن ايتادى. كۇن سايىن ءبىر ۇيا 6 كيلوداي بال بەرەتىن كورىنەدى.
ءومىر ەسقالي,
«ەگەمەن قازاقستان»
سولتۇستىك قازاقستان وبلىسى
