شىمكەنتتىك ونەرتاپقىش قۋانىش رىسقۇلوۆ لاتىن قارپىنە كوشۋ كەزىندە كەزدەسەتىن قيىندىقتى جەڭەتىن ءادىسىن ۇسىنىپ, 1 ملن تەڭگەنى قانجىعاسىنا بايلادى.
ءىت ماماندارى اراسىندا وتكەن كونكۋرس وبلىس اكىمدىگىنىڭ ۇيىمداستىرۋىمەن وسىدان ءبىر اي بۇرىن جاريالانعان بولاتىن. «حاكاتون» مارافونى ەلباسى ساياساتىن قولداۋ ماقساتىندا قولعا الىنعان جوبا.
شاراعا ستۋدەنتتەر, وقۋشىلار, جاس ونەرتاپقىشتار مەن ءتۇرلى دەڭگەيلى ءىت مامانداردان قۇرالعان 50 ادام قاتىسقان. ولاردىڭ ىشىنەن 8 ماماننىڭ جوباسى ۇزدىك دەپ تانىلدى.
قۋانىش تۇرسىنقۇل ۇلى اقپاراتتىق تەحنولوگيالار سالاسىندا 8 جىلدان بەرى ەڭبەك ەتىپ كەلەدى. ول بۇعان دەيىن بىرنەشە كومپيۋتەرلىك باعدارلامالار ازىرلەپ, الماتى, استانا قالالارىنداعى وتكەن رەسپۋبليكالىق دودالاردا توپ جارعان. بايقاۋ قازىلارى قۋانىشتىڭ جوباسىن دەر كەزىندە ازىرلەگەن قاجەتتى باعدارلاما دەپ تانىپتى.
الداعى ۋاقىتتا كيريلليتسانى لاتىن قارپىنە لەزدە اۋىستىراتىن باعدارلاماعا قارجى ءبولىپ, كەڭ كولەمدە قولدانىسقا ەنگىزۋ جوسپارلانىپ جاتىر. ۇيىمداستىرۋشىلار مۇنداي جوبانىڭ كەلەشەكتە دە جالعاسىن تاباتىنىن ايتادى.
