اكەلى-بالالى قارجاۋباەۆتار ءۇندىنىڭ تاۋىسىن, قىتايدىڭ قىرعاۋىلىن, افريكانىڭ تۇيەقۇسىن جانە ءۇي قۇستارىن باعۋعا بىلەك سىبانا كىرىستى. بويلارى 2,5 مەتر, سالماعى 120-140 كگ, تەك ەتىنىڭ ءوزى 40-45 كگ تارتاتىن افريكالىق تۇيەقۇستاردىڭ جۇمىرتقاسى اقۋىزعا باي, ياعني شامامەن 16 ادامدى ەركىن تويدىرادى. ساعاتىنا 70 كم باعىندىراتىن بۇل قۇستاردىڭ تەرىسىنەن ءتۇرلى اشەكەي بۇيىمدار, اياق كيىم, كيىم-كەشەك ازىرلەنەدى. ماڭعىستاۋعا اكەلىنگەنىنە ءبىر جىلدان اسقان ولار ءوڭىردى جاتسىنباي, تەز جەرسىنىپ كەتكەن. شارۋاشىلىقتا قىرعاۋىلدىڭ 10-عا تارتا ءتۇرى بار, قۇستارعا ءوز ەرەكشەلىكتەرىنە قاراي ارنايى ورىندار جاسالعان. ۇيرەك-قازدارعا حاۋىز سالسا, بودەنەلەردى بەلگىلى ءبىر تەمپەراتۋرا ساقتالعان عيماراتتا ۇستايدى. بودەنەلەردەن تاۋلىگىنە 800-گە دەيىن جۇمىرتقا الىپ, ساۋداعا شىعارسا, ال ۇيرەك-قاز ونىمدەرىن نارىققا شىعارۋدى كەلەسى جىلدان باستاۋدى كوزدەپ وتىر.
سىرتتان اكەلىنگەن جۇمىرتقالاردى ينكۋباتوردا كوبەيتەتىن ولار حالىققا ساپالى ءونىم بەرۋ ءۇشىن ولاردى قۇنارلى جەم-ءشوپ تۇرلەرىمەن قورەكتەندىرەدى. مەملەكەت تاراپىنان سۋبسيديامەن كومەك تە الىپتى. الداعى ۋاقىتتا قۇس سانىن جانە تۇرلەرىن كوبەيتىپ, شارۋاشىلىق ورنالاسقان جەردەن قۇس باعىن اشىپ, ەتنواۋىل تۇرعىزۋ ارقىلى وڭىردە اگرو جانە ەكوتۋريزمدى دامىتۋعا ءوز ۇلەستەرىن قوسپاق.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى
