«قۇرمەتتى دوستار, «دارىن» مەملەكەتتىك جاستار سىيلىعىن الۋ ءۇشىن بايقاۋ جاريالانعانىن حابارلايمىن. ۇمىتكەرلەردىڭ قۇجاتتارى 2017 جىلدىڭ 19 قىركۇيەگىنە دەيىن قازاقستان رەسپۋبليكاسى ءدىن ىستەرى جانە ازاماتتىق قوعام مينيسترلىگى جاستار ساياساتى دەپارتامەنتىندە قابىلدانادى. ەلىمىزدەگى 29 جاسقا دەيىنگى بارشا جاس دارىنداردى كونكۋرسقا قاتىسۋعا جانە وزدەرىنىڭ شىعارماشىلىق جەتىستىكتەرىن كورسەتۋگە شاقىرامىن», - دەپ جازدى مينيستر.
اتاپ وتكەن ءجون, ەكى جىلدا ءبىر رەت تاعايىندالىپ كەلگەن «دارىن» جاستار سىيلىعى بۇدان بىلاي جىل سايىن بەرىلەتىن بولادى. سىيلىق الۋ مارتەبەسىنە يە بولۋ ءۇشىن 29 جاسقا دەيىنگى ازاماتتار عىلىم, ادەبيەت, جۋرناليستيكا, سپورت, حالىق شىعارماشىلىعى, ديزاين جانە بەينەلەۋ ونەرى, ەسترادا, تەاتر جانە كينو, كلاسسيكالىق مۋزىكا, قوعامدىق قىزمەت نوميناتسيالارى بويىنشا سىنعا تۇسە الادى.
جەڭىمپازداردى سالتاناتتى ماراپاتتاۋ ءراسىمى قازاقستان رەسپۋبليكاسىنىڭ تاۋەلسىزدىگى كۇنىنە وراي وتكىزىلەدى. ولارعا «دارىن» مەملەكەتتىك جاستار سىيلىعىنىڭ لاۋرەاتى» اتاعى بەرىلەدى, ديپلوم, توسبەلگى جانە اقشالاي سىيلىق تابىس ەتiلەدi. ءار جىلدارى «دارىن» مەملەكەتتىك جاستار سىيلىعى سەرىك ساپيەۆ, يليا يلين, ولگا شيشيگينا, ارىن ورساريەۆ, مەيرام بەگەنتاەۆ, عالىم احمەدياروۆ, سارا توقتامىسوۆا, ماحات سادىق, رينات كەرتاەۆ, ديحان قامزابەك ۇلى, دوسىمجان تاڭاتاروۆ, ايگۇل يمانباەۆا سياقتى بەلگىلى تالانتتى تۇلعالارعا جانە «مۋز ارت», «جىگىتتەر», « ۇلىتاۋ» توپتارىنا بەرىلدى.
