ەرەسەكتەر مەن ايەلدەردىڭ قازاقستان قۇراماسى كوماندالىق ەسەپپەن 3 ورىن السا, كوماندا قۇرامىندا سابينا زاحاروۆا, ەكاتەرينا حۋپوۆەتس, ەرمەك اينازاروۆ جانە اسىلبەك مۇراتوۆتار قولا جۇلدەگە يە بولدى.
ماڭعىستاۋ وبلىسىنىڭ اكىمى ە. توعجانوۆ كاراتە-دودان ازيا چەمپيوناتىنىڭ جەڭىمپازدارىمەن كەزدەسىپ, ولارعا باعالى سىيلىقتار مەن سەرتيفيكاتتار تابىستادى.
- Cىزدەر, ازيا چەمپيوناتىندا ايماعىمىزدىڭ ابىرويىن اسقاقتاتتىڭىز. ءبىز سىزدەردىڭ جەڭىستەرىڭىزدىڭ ارقاسىندا سىزدەرمەن ماقتانامىز. بولاشاقتا ۇلكەن جەتىستىكتەرگە جەتىپ, ەلىمىزدىڭ مارتەبەسىن الەمدىك دەڭگەيدە كوتەرۋگە تىلەكتەسپىن. سىزدەر, ەلىمىزدىڭ, قازاقستاننىڭ نامىسىن قورعاپ جۇرسىزدەر, ال كاراتە-دو وليمپيادالىق سپورتتىڭ تۇرىنە جاتادى. ەلىمىزدىڭ تۋىن كوتەرەتىن ۇزدىك سپورتشىلاردىڭ قاتارىنا كىرۋگە ەرەكشە مۇمكىندىكتەرىڭىز بار, - دەگەن وبلىس اكىمى ەرالى توعجانوۆ سپورتشىلاردىڭ ازيا چەمپيوناتىندا جاقسى ونەر كورسەتكەندەرى ءۇشىن العىس ءبىلدىرىپ, كاراتە-دو سپورت مەكتەبى جاتتىقتىرۋشىلارىنىڭ جۇمىسىن جوعارى باعالادى. سونداي-اق, سپورتشىلار وبلىس اكىمى ەرالى توعجانوۆقا ايماقتاعى سپورتتىڭ دامۋىنا قولداۋ كورسەتىپ وتىرعانىنا العىستارىن ءبىلدىرىپ, سپورت الەمىندە جوعارى جەتىستىكتەرگە جەتۋگە ۋادە بەردى.
- جاتتىقتىرۋشىلار, سپورت مەكەمەلەرىنىڭ قىزمەتكەرلەرى مەن باسشىلارىنىڭ ارقاسىندا ماڭعىستاۋ سپورتشىلارى ءار ءتۇرلى دەڭگەيدەگى جارىستاردا, الەم چەمپيوناتتارى مەن وليمپيادا ويىندارىندا وبلىسىمىز بەن ەلىمىزدىڭ ابىرويىن اسقاقتاتۋدا. سپورتشىلاردى, جاتتىقتىرۋشىلار قۇرامىن جەڭىستەرىڭىزبەن شىن جۇرەكتەن قۇتتىقتاي وتىرىپ, سىزدەرگە بەرەكە-بىرلىك, مىقتى دەنساۋلىق, ساتتىلىك پەن تابىس, ەڭبەكتەرىڭىزگە جەمىس تىلەيمىن, - دەپ قازاقستان رەسپۋبليكاسى كاراتە-دودان اعا جاتتىقتىرۋشىسى, وبلىستىق مامانداندىرىلعان بالالار مەن جاسوسپىرىمدەر سپورت مەكتەبىنىڭ ديرەكتورى مانسۋروۆ پارۆيز دۋنيامالي-وعلى ايتتى.
گۇلايىم شىنتەمىرقىزى,
«ەگەمەن قازاقستان».
ماڭعىستاۋ وبلىسى
