ماسەلەن, جىل باسىنان بەرى استانا قالاسىنىڭ جپق تابيعاتتى قورعاۋ پوليتسياسى پايدالى قازبالاردى زاڭسىز ءوندىرۋ بويىنشا 22 فاكت انىقتاعان. مۇنداي قازبالارعا قۇم, قيىرشىق تاس, ۇساق تاس, توپىراق جاتادى. بارلىق فاكت بويىنشا سوتقا دەيىنگى تەكسەرۋ امالدارى جۇرگىزىلۋدە. پروتسەسسۋالدى شەشىمدەر شىعارۋ ءۇشىن اتالعان جاعدايلار بويىنشا ماتەريالدار استانا قالاسىنىڭ ءىىد تەرگەۋ باسقارماسىنا بەرىلگەن.
انىقتاما ءۇشىن: 2016 جىلى قازبالاردى زاڭسىز ءوندىرۋ بويىنشا 55 فاكت تىركەلگەن. اكتقرك-ءنىڭ «كولىك قۇرالدارىن پايدالانۋ ەرەجەلەرىن بۇزۋ» زاڭىنىڭ 590 بابىن بۇزعانى ءۇشىن جىل باسىنان بەرى اكىمشىلىك جاۋاپكەرشىلىككە 18 جۇرگىزۋشى تارتىلعان. قازبالاردى زاڭسىز پايدالانۋعا جول بەرمەس ءۇشىن استانا قالاسىنىڭ ءىىد جەرگىلىكتى پوليتسيا قىزمەتكەرلەرى كۇندىز-ءتۇنى زاڭسىز قازبا جۇمىستارى جۇرگىزىلۋى مۇمكىن دەگەن ورىنداردا كولىكپەن جانە جاياۋ رەيدتەر جۇرگىزەدى. استانا قالاسى ءىىد جەرگىلىكتى پوليتسيا قىزمەتى قازبا ماتەريالدارىن پايدالانۋ زاڭىن بۇزۋ بويىنشا فاكتىلەردى انىقتاعان جاعدايدا 42-08-92, 8701 700 97 99 حابارلاسۋدى سۇرايدى.
بۇدان بولەك, قۇم, توپىراق جانە دە وزگە دە ماتەريالدارعا تاپسىرىس بەرەتىن قۇرىلىس جانە باسقا دا كوممەرتسيالىق ۇيىمدارعا وكىلەتتى ورگانداردان ارنايى رۇقساتى بار كەن ورىندارىنان تاۋارلاردى قابىلداۋ تۋرالى تۇسىندىرمە جۇمىستارى جۇرگىزىلۋدە.
