حابارلامادا «مەملەكەت باسشىسىنىڭ وكىمىمەن اندرەي نيكولاەۆيچ كراۆچەنكو قازاقستان رەسپۋبليكاسى باس پروكۋرورىنىڭ ورىنباسارى قىزمەتىنەن بوساتىلدى», دەپ جازىلعان.
اندرەي كراۆچەنكو 1966 جىلى 19 شىلدەدە الماتى وبلىسىندا دۇنيەگە كەلگەن.
1991 جىلى س.كيروۆ اتىنداعى قازاق مەملەكەتتىك ۋنيۆەرسيتەتىن قۇقىقتانۋ ماماندىعى بويىنشا ءبىتىرىپ, 2011 جىلى ماسكەۋ بيزنەس-مەكتەبىندە ىسكەرلىك اكىمشىلەندىرۋ ماماندىعى بويىنشا ماگيستر دارەجەسىن العان.
ەڭبەك جولىن 1983 جىلى سوت ورگاندارىندا باستاعان.
1991 جىلدان باستاپ سالىق قىزمەتى ورگاندارىندا جۇمىس ىستەگەن.
1994 جىلدىڭ قاراشاسىنان باستاپ پروكۋراتۋرا ورگاندارىنا قىزمەتكە كىرگەن. ودان كەيىن پروكۋرورلىق كاسىپتىڭ بارلىق دەڭگەيىنەن ءوتىپ شىققان.
2001 جانە 2011 جىلدار اراسىندا قازاقستان رەسپۋبليكاسى باس پروكۋراتۋراسىنداعى الەۋمەتتىك-ەكونوميكالىق سالاداعى زاڭدىلىقتى قاداعالاۋ دەپارتامەنتىنىڭ باسشىسى قىزمەتىن اتقارعان.
2011 جىلدان بۇگىنگە دەيىن قازاقستان رەسپۋبليكاسى باس پروكۋرورىنىڭ ورىنباسارى بولىپ كەلدى.
II دارەجەلى «داڭق» وردەنىمەن, «ەرەن ەڭبەگى ءۇشىن» مەدالىمەن جانە وزگە دە مەملەكەتتىك ناگرادالارمەن ماراپاتتالعان.
ۇيلەنگەن. ەكى بالاسى بار.
