«رەسپۋبليكا بويىنشا ءبىزدىڭ وبلىس تۋ مەن تابيعي ءوسىمى كورسەتكىشتەرى بويىنشا 1- ورىندا. اعىمداعى جىلدىڭ بەس ايىندا وبلىس تۋ بويىنشا رەسپۋبليكا دەڭگەيىندە الدىڭعى قاتارىندا كورىندى. ونىڭ ۇلەسى 20,2 پايىزدى نەمەسە 31 409 بالانى قۇرادى. 2017 جىلعى قاڭتار-مامىر ايلارىندا 1000 قىز بالاعا 1 076 ۇل بالا تۋىلدى. بۇل جەردە ۇل بالداردىڭ كوپ تۋىلۋ تەندەنتسياسى ساقتالۋدا»,- دەدى ايدار احمەتبەك ۇلى.
حالىقتىڭ جالپى سانىنىڭ وزگەرۋى تىكەلەي تابيعي ءوسىم, ياعني حالىقتىڭ تۋىلعاندار مەن ولگەندەر سانىنىڭ وزگەرۋى جانە كوشى-قون ءوسىمى اسەر ەتەدى. وبلىستا 2017 جىلعى قاڭتار-مامىر ايلارىندا حالىقتىڭ تابيعي ءوسىمى 25 234 ادامدى قۇراعان.
ال, بيىلعى I توقساندا حالىقتىڭ ورتاشا ءبىر ايدا جان باسىنا شاققانداعى اتاۋلى اقشالاي تابىستارى 41 069 تەڭگەنى قۇراپ, 2016 جىلدىڭ ءتيىستى كەزەڭىمەن سالىستىرعاندا 1,1 پايىزعا وسكەن. ال ناقتى اقشالاي تابىس 6,7 پايىزعا تومەندەگەن. 2017 جىلعى I توقساندا حالىقتىڭ اقشالاي تابىستارىنىڭ باستى كوزى – ەڭبەك قىزمەتىنەن تۇسكەن. وسى كەزەڭدە حالىقتىڭ اقشالاي شىعىستارىنىڭ 95,8 پايىزى تۇتىنۋ شىعىستارىنا – ازىق ت ۇلىك جانە ازىق ت ۇلىك ەمەس تاۋارلارى مەن اقىلى قىزمەتتەرگە كەتكەن. 2017 جىلعى 1-ءشى توقساندا وبلىس بويىنشا ءبىر قىزمەتكەردىڭ ورتاشا ايلىق اتاۋلى جالاقىسى 95 705 تەڭگەنى قۇراپ, 2016 جىلدىڭ ءتيىستى توقسانىمەن سالىستىرعاندا 3 پايىزعا ارتقان.
ايتا كەتەيىك, وسى توقساندا ەڭ جوعارى ورتاشا ايلىق جالاقى سوزاق اۋدانىندا 187 854 تەڭگە بولىپ بەلگىلەندى. ال ەڭ تومەن جالاقى تولەبي اۋدانىندا – 75 824 تەڭگەنىڭ كولەمىندە بولىپ وتىر.
ءباسپاسوز جيىنى بارىسىندا دەپارتامەنت باسشىسى جۋرناليستەر تاراپىنان قويىلعان ساۋالدارعا دا جاۋاپ بەردى. بۇل رەتتە تىلشىلەر ەڭبەك نارىعى جانە ەڭبەك اقى تولەۋ, ازىق-ت ۇلىك باعاسى, ساۋدا نارىعى تۋرالى ناقتى اقپاراتتار الدى.
