ماسەلەن, جىل باسىنان بەرى استانا قالاسىنىڭ جپق تابيعاتتى قورعاۋ پوليتسياسى جالپىتاراعان پايدالى قازبالاردى زاڭسىز ءوندىرۋ بويىنشا 22 فاكت انىقتاعان. مۇنداي قازبالارعا قۇم, قيىرشىق تاس, ۇساق تاس, توپىراق جاتادى. بارلىق فاكت بويىنشا «جەر قويناۋىن ءوز ەركىمەن پايدالانۋ» قرقك 334 بابى بويىنشا سوتقا دەيىنگى تەكسەرۋ امالدارى جۇرگىزىلۋدە. پروتسەسسۋالدى شەشىمدەر شىعارۋ ءۇشىن اتالعان جاعدايلار بويىنشا ماتەريالدار استانا قالاسىنىڭ ءىىد تەرگەۋ باسقارماسىنا بەرىلگەن.
انىقتاما ءۇشىن: 2016 جىلى كەڭىنەن تاراعان پايدالى قازبالاردى زاڭسىز ءوندىرۋ بويىنشا 55 فاكت تىركەلگەن. اكتقرك-ءنىڭ «كولىك قۇرالدارىن پايدالانۋ ەرەجەلەرىن بۇزۋ» 590 بابىن بۇزعانى ءۇشىن جىل باسىنان بەرى اكىمشىلىك جاۋاپكەرشىلىككە 18 جۇرگىزۋشى تارتىلعان, 60 بىرلىك تەحنيكا ۇستالعان.
پايدالى قازبالاردى زاڭسىز پايدالانۋعا جول بەرمەس ءۇشىن استانا قالاسىنىڭ ءىىد جەرگىلىكتى پوليتسيا قىزمەتكەرلەرى كۇن سايىن كۇندىز جانە تۇندە زاڭسىز قازبا جۇمىستارى جۇرگىزىلۋى مۇمكىن دەگەن ورىنداردا كولىكپەن جانە جاياۋ رەيدتەر جۇرگىزەدى. بۇدان بولەك, تۇرعىندار اراسىندا كەڭىنەن تاراعان پايدالى قازبالاردى زاڭسىز ءوندىرۋ بويىنشا قولدانىلاتىن قىلمىستىق جاۋاپكەرشىلىك تۋرالى تۇسىندىرىلەدى.
استانا قالاسى ءىىد جەرگىلىكتى پوليتسيا قىزمەتى پايدالى قازبالاردى پايدالانۋ زاڭىن بۇزۋ بويىنشا فاكتىلەردى انىقتاعان جاعدايدا تۇرعىندارعا 42-08-92, 8701 700 97 99 حابارلاسۋدى سۇرايدى.
بۇدان بولەك, قۇم, توپىراق جانە دە وزگە دە ماتەريالدارعا تاپسىرىس بەرەتىن قۇرىلىس جانە باسقا دا كوممەرتسيالىق ۇيىمدارعا وكىلەتتى ورگانداردان ارنايى رۇقساتى بار كەن ورىندارىنان تاۋارلاردى قابىلداۋ تۋرالى تۇسىندىرمە جۇمىستارى جۇرگىزىلۋدە.
