سونداي-اق, قازاقستاننىڭ ەرلەر جانە ايەلدەر قۇرامى قاتىسىپ جاتىر. اتاپ ايتار بولساق, ەرلەر اراسىندا ميحايل كۋكۋشكين مەن دميتري پوپكو, قىزدار اراسىندا كاميلا كەرىمباەۆ, جىبەك قالىمباەۆا جانە تاعى باسقا جاس تالانتتى ۇل-قىزدار بار.
بىلتىر ۇيىمداستىرىلعان پرەزيدەنت كۋبوگى جارىسىنا جاراقاتىنا بايلانىستى قاتىسا الماي قالعان قازاقستاندىق تەننيسشى ميحايل كۋكۋشكين بيىل توپ جارۋدى كوزدەپ وتىر. «وكىنىشكە قاراي, ءبىر جىل بۇرىن جاراقاتتانىپ, تۋرنيرگە قاتىسا الماي قالعان ەدىم. بۇل جولى بارىمدى سالامىن. جەڭىستەن ءۇمىتتىمىن», دەيدى ميحايل كۋكۋشكين.
قازاقستان تەننيس فەدەراتسياسىنىڭ ۆيتسە-پرەزيدەنتى دياس دوسقاراەۆتىڭ ايتۋىنشا, ۇلتتىق قۇرامانىڭ نەگىزگى ويىنشىلارى دا پرەزيدەنت كۋبوگىنا قاتىسىپ, جارىستىڭ مارتەبەسى مەن كورىگىن قىزدىرادى دەپ ويلاعان. الايدا, بىرقاتار تەننيسشىلەرىمىزدىڭ جاراقاتى سىر بەرگەن, ەندى ءبىرى جاراقاتىنان تولىق ايىعىپ ۇلگەرمەگەن.
«ياروسلاۆا شۆەدوۆا جاراقاتىنان ءالى تولىق ايىققان جوق. پۋتينتسەۆادا دا جاراقات بار. زارينا دياس تا بىلتىرعى وپەراتسيادان كەيىن ەندى قالپىنا ەنىپ جاتىر. وزدەرىڭىز بىلەسىزدەر, جاقىندا ول لوندوندا وتكەن ۋيمبلدون-2017 «ۇلكەن دۋلىعا» جارىسىنىڭ ءۇشىنشى اينالىمىنا دەيىن شىققان بولاتىن. ءبىز زارينانى ۋيمبلدوننان كەيىن قالپىنا كەلىپ, بۋىن جاراقاتتارىن ەمدەپ السىن دەپ بۇل تۋرنيردەن بوساتتىق», دەيدى د.دوسقاراەۆ.
سونىمەن قاتار, تەننيستەن پرەزيدەنت كۋبوگىنىڭ جۇلدە قورىنىڭ قوماقتى ەكەنىن ايتا كەتكەن ءجون. ءتۋرنيردىڭ جۇلدە قورى – 225 مىڭ اقش دوللارىن قۇرايدى. بۇل – پرەزيدەنت كۋبوگىنىڭ مارتەبەسىن انىقتاپ بەرەدى. جۇلدە قورى قوماقتى بولعان سايىن, تەننيسشىلەرگە بەرەتىن رەيتينگتىڭ ۇپاي سانى دا كوپ بولاتىنى انىق.
«مەنىڭشە, شەتەلدىڭ تەننيسشىلەرى پرەزيدەنت كۋبوگىنا قارجى ءۇشىن ەمەس, رەيتينگتىك ۇپاي ءۇشىن كەلەدى. ويتكەنى, ەرلەر اراسىندا جەڭىمپاز اتانعان تەننيسشىگە 110, ال قىزدار اراسىنداعى جەڭىمپازعا 100 رەيتينگتىك ۇپاي بەرىلەدى. بۇل تەننيسشىلەردىڭ اتر جانە WTA رەيتينگىن جاقسارتىپ الۋعا زور مۇمكىندىك بەرەدى. سونىمەن قاتار, جۇلدە قورى دا قوماقتى. جەڭىمپازعا 18 مىڭ اقش دوللارى, ەكىنشى ورىن يەگەرى 10,600, ال جارتىلاي فينالعا شىققاندارعا 6,275 اقش دوللارىن بەرەدى», دەيدى ۆيتسە-پرەزيدەنت.
ايتا كەتەيىك, پرەزيدەنت كۋبوگى تامىز ايىنىڭ سوڭىندا اقش-تا وتەتىن US Open تۋرنيرىنە دايىندىق رەتىندە سانالادى.
تەننيستەن ەرلەر جانە قىزدار اراسىنداعى پرەزيدەنت كۋبوگى 23 شىلدەگە دەيىن جالعاسادى. جارىستىڭ جەڭىمپازدارى مەن جۇلدەگەرلەرى دە سول كۇنى انىقتالاتىن بولادى.
ءالي بيتورە,
«ەگەمەن قازاقستان»
