«رەسپۋبليكا بويىنشا التى ايدىڭ ىشىندە 47 738 باسپانا پايدالانۋعا بەرىلدى. اتالعان كورسەتكىش وتكەن جىلمەن سالىستىرعاندا 11 پايىزعا ارتىق. تۇرعىن ۇيلەردى پايدالانۋعا بەرۋ جاعىنان استانا مەن الماتى قالالارى وق بويى وزىق كەلەدى. استانادا 1,5 ملن شارشى مەتر باسپانا پايدالانۋعا بەرىلسە, الماتى 928 مىڭ شارشى مەتر تۇرعىن ءۇي سالدى. بۇدان بولەك, ماڭعىستاۋ مەن وڭتۇستىك قازاقستان وبلىستارىن اتاپ وتكەن ءجون», دەيدى جەڭىس قاسىمبەك.
ءمينيستردىڭ سوزىنە قاراعاندا, باسقا ايماقتاردا دا تۇرعىن ءۇي قۇرىلىسىنىڭ جاندانۋى بايقالادى. الايدا, الماتى مەن پاۆلودار وبلىستارىندا باسپانانى پايدالانۋعا بەرۋ جۇمىسى ارتتا قالعان.
«قازىرگى كەزدە سالىنىپ جاتقان قۇرىلىس نىساندارىن ۋاقىتىندا تاپسىرۋ ءۇشىن ايماقتارعا 33 ملرد 800 ملن تەڭگە اۋدارىلدى. سونىڭ 29 ملرد 300 ملن تەڭگەسى يگەرىلدى. جالپى, رەسپۋبليكا بويىنشا 3 633 شاقىرىم ينجەنەرلىك جەلىلەردە تارتۋ جوسپارلانىپ وتىر. اكىمدىكتەردىڭ قازىرگى مالىمەتىنە سايكەس, وسى ۋاقىتقا دەيىن 1 436 شاقىرىم جەلى تارتىلدى», دەپ اتاپ كورسەتتى مينيستر قاسىمبەك.
ايتا كەتكەن ءجون, تۇرعىن ءۇي سالۋ ءۇشىن جارىق, سۋ جانە تاعى باسقا ينجەنەرلىك جەلىلەر بولۋى شارت. بۇگىندە سول جەلىلەردى سالۋ جاعىنان قاراعاندى, وڭتۇستىك قازاقستان, اقمولا مەن باتىس قازاقستان وبلىستارى باياۋ جۇمىس جاساپ كەلەدى.
