زەلەنوۆ اۋدانىندا سەناتورلار پاۆلوۆ اۋىلىنداعى سۋ قۇبىرى قۇرىلىسى مەن مەديتسينالىق پۋنكتتىڭ تولىق جوندەۋدەن وتكىزۋ بارىسىمەن تانىستى. سونداي-اق دەپۋتاتتار ماحامبەت اۋىلىندا ورنالاسقان «التىن بولاشاق», «شۇنايبەكوۆ», «شكانوۆ» شارۋا قوجالىقتارىنىڭ ۇجىمىمەن كەزدەستى.
17 شىلدەدە سەناتورلار تەرەكتى اۋدانىنا بارىپ, پودستەپنوە, نوۆوپاۆلوكا, اقسۋات اۋىلدارىندا قۇرىلىس وبەكتىلەرىن, شارۋا قوجالىقتارىن ارالادى.
جەرگىلىكتى حالىقتىڭ الدىندا ءسوز سويلەگەن ەربولات مۇقاەۆ اۋىل تۇرعىندارىن پرەزيدەنت ن.نازارباەۆتىڭ اۋىل شارۋاشىلىعىن قازاقستان ەكونوميكاسىنىڭ درايۆەرلەرىنىڭ بىرىنە اينالدىرۋ جونىندەگى تاپسىرماسىن جۇزەگە اسىرۋ ءۇشىن جۇمىلا ەڭبەكتەنۋگە شاقىردى.
كەزدەسۋگە قاتىسۋشىلار پارلامەنشىلەرمەن اگرارلىق سالانى دامىتۋداعى ايماقتىڭ تۇيتكىلدى ماسەلەلەرىن تالقىلادى. دەپۋتاتتار تۇرعىنداردى جۇمىسپەن قامتۋدىڭ, سونداي-اق, اۋىلدىقتارعا ەڭبەگىنە لايىقتى اقى تولەۋدىڭ ماڭىزدىلىعىن اتاپ ءوتتى.
