«بيىلعى جىلدىڭ 1 ماۋسىمىندا ەلىمىزدەگى حالىق سانى 18 014,2 مىڭ ادامعا جەتتى, سونىڭ ىشىندە قالالىقتار 10 358,0 مىڭ (57,5%), اۋىلدىقتار 7 656,2 مىڭ ادامدى (42,5%) قۇرادى. 2016 جىلدىڭ 1 ماۋسىمىمەن سالىستىرعاندا حالىق سانى 239,2 مىڭ ادامعا نەمەسە 1,3%-عا ءوستى», - دەيدى ءباسپاسوز قىزمەتىندەگىلەر.
احات ورگاندارى ۇسىنعان مالىمەتكە سۇيەنسەك, بيىلعى جىلدىڭ بەس ايىندا 155,4 مىڭ بالا دۇنيەگە كەلدى, بۇل 2016 جىلدىڭ قاڭتار-مامىرىمەن سالىستىرعاندا 6,2% از.
«2017 جىلعى قاڭتار-مامىردا رەسپۋبليكا حالقىنىڭ تابيعي ءوسىمى 2016 جىلدىڭ قاڭتار-مامىرىمەن سالىستىرعاندا 9,9 مىڭ ادامعا نەمەسە 9,1%-عا كەمىپ, 99,7 مىڭ ادامدى قۇرادى. تابيعي ءوسىمنىڭ جالپى كوەففيتسيەنتى 1000 ادامعا شاققاندا 13,37 ادامدى قۇرادى», - دەپ جازىلعان حابارلامادا.
وسى جىلدىڭ قاڭتار-مامىرىندا 55,7 مىڭ ادام قايتىس بولدى, بۇل وتكەن جىلدىڭ قاڭتار-مامىرىمەن سالىستىرعاندا 0,7%-عا از. ءولىم-ءجىتىمنىڭ جالپى كوەففيتسيەنتى 1000 ادامعا شاققاندا 7,46 ادامدى قۇرادى.
وسى ۋاقىت ىشىندە ەلىمىزدە 1 جاسقا دەيىنگى 1 344 نارەستە شەتىنەگەن. وتكەن جىلمەن سالىستىرعاندا بۇل كورسەتكىش 16,8%-عا ازايدى.
كوشى-قون قىزمەتى ورگاندارىنىڭ مالىمەتىنشە, بيىلعى جىلدىڭ قاڭتار-مامىرىندا ەلىمىزگە تۇرعىلىقتى تۇرۋعا كەلگەندەر وتكەن جىلدىڭ سايكەس كەزەڭىمەن سالىستىرعاندا 36,3%-عا كوبەيىپ, 7 204 ادامدى قۇرادى. ەلىمىزدەن كەتكەن كوشىپ-قونۋشىلاردىڭ تىركەلۋ سانى 4,0%-عا كوبەيىپ, 10 975 ادامدى قۇرادى.
