«Nodus قوسىمشالار ديزاينەرىمەن جۇمىس ىستەۋ ارقىلى مەن iPhone 8-ءدىڭ CAD فايلدارىن كورە الدىم. ءتۇرلى سەنىمسىزدىكتەرگە قاراماستان Apple العان بەتتەرىنەن قايتپايدى جانە قوسالقى جوسپارعا جول بەرمەيدى دەپ تولىقتاي ايتا الامىن», دەيدى گوردون كەللي.
ەندى Apple وعان دەيىنگى تەلەفوندارىنداعى قاتەلىكتەردى تولىقتاي ەسكەرىپ, قولدانۋشىلارعا ءمىنسىز iPhone 8 ۇسىنباقشى. ۇلكەيتىلگەن 5,8-ديۋيم ديسپلەيدىڭ جوعارعى جاعىندا الدىڭعى كامەرا مەن داتچيكتەرگە ارنالعان جولاق پايدا بولادى. بۇل - حابارلامالار iOS 11-دە جاڭاشا كورسەتىلەدى دەگەن ءسوز.
سونىمەن قاتار, Apple كومپانياسى iPhone 7 Plus-تە كولدەنەڭ ورنالاسقان ارتقى كامەرا مەن جارقىلىن iPhone 8-دەگىدەي تىگىنەن ورنالاستىرادى. بۇعان تۇرتكى بولعان كولدەنەڭ ورنالاسقان كامەرالاردىڭ ونىمدىلىگى. بولجامدار بويىنشا, تەلەفون كوبىنەسە كولدەنەڭ قولدانىلاتىن بولادى.
«رەسمي سۋرەتتەردە كورسەتىلمەگەنىمەن, مەن iPhone 8 تەلەفونىندا جارىقتاندىرۋ پورتى USB Type-C قۇرىلعىسىنا كوشپەيتىندىگىن راستاي الامىن. ەستەرىڭىزگە سالا كەتەيىن, بۇل قۇرىلعى MacBook نوۋتبۋكتەرىندە كەڭىنەن قولدانىلادى. جانە تاعى ءبىر جاڭالىق, قۇلاققاپتارعا ارنالعان ءبولىم سوڭعى مودەلدە دە بولمايدى», دەيدى بريتاندىق جۋرناليست.
بۇدان بولەك, ەڭ وزەكتى جاڭالىق «ۇيگە» اپاراتىن باتىرمانىڭ توڭىرەگىندە.
Apple كومپانياسى iPhone 8 ءۇشىن تەلەفوننىڭ كولەمىن شامامەن ەكى ەسەگە ارتتىرۋعا بەل بۋدى. ال ديسپلەيگە Touch ID فۋنكتسياسىن بىرىكتىرۋ ماسەلەسى تۋرالى ەكى ويلى بولىپ وتىر. كومپانيا Sony-ءدىڭ تاجىريبەسىن كوشىرىپ, Touch ID فۋنكتسياسىن قۋات تۇيمەسىنە بىرىكتىرە الادى. بۇل ەڭ ۇتىمدى شەشىم جانە Apple قازىردىڭ وزىندە سول ءۇشىن پاتەنت العان بولاتىن.
iPhone 8 تۋرالى ءالى دە اشىلماعان قۇپيالار بارشىلىق: باتارەيا سىيىمدىلىعى, كامەرا سيپاتتامالارى, A11 چيپسەتىنىڭ ونىمدىلىگى جانە ت.ب.
ال ونىڭ سىرتقى كەلبەتىنە كەلەتىن بولساق, حانىمدار مەن مىرزالار, بۇل ناعىز iPhone 8 دەۋدەن باسقا ءسوز قالمايدى.
