بيىلعى 12-14 شىلدەدە بولعان ساپارى اياسىندا گۇلشارا ابدىقالىقوۆا بەلارۋس پرەزيدەنتى اكىمشىلىگىنىڭ باسشىسى ن.كوچانوۆامەن كەزدەستى. كەزدەسۋدە وڭىرارالىق دەڭگەيدەگى جانە ساۋدا-ەكونوميكالىق, مادەني-گۋمانيتارلىق سالالارداعى ەكىجاقتى ءوزارا ءىس-قيمىل ماسەلەلەرى تالقىلاندى.
مەملەكەتتىك حاتشى قازاقستان مەن بەلارۋس اراسىنداعى تاۋار اينالىمى 2017 جىلعى قاڭتار-ءساۋىر ايلارىندا 160,4 ملن دوللار بولعانىن جانە ونىڭ 2016 جىلدىڭ ءتيىستى كەزەڭىمەن سالىستىرعاندا شامامەن 76%-عا وسكەنىن اتاپ ءوتتى.
گۇلشارا ابدىقالىقوۆا بەلارۋس تاراپىنا استاناداعى ەكسپو-2017 حالىقارالىق مامانداندىرىلعان كورمەسىنە بەلسەنە اتسالىسىپ جاتقانى ءۇشىن ريزاشىلىق ءبىلدىردى.
ن.كوچانوۆا مارتەبەلى مەيمانعا ساپارمەن كەلىپ, ەكسپو-2017 كورمەسى اياسىندا وتەتىن «ايەلدەر بولاشاقتىڭ ەنەرگياسى ءۇشىن» اتتى حالىقارالىق ايەلدەر فورۋمىنا شاقىرعانىنا العىس ايتتى.
ساپار اياسىندا مەملەكەتتىك حاتشى گۇلشارا ابدىقالىقوۆا ەلدەر مەن قۇرلىقتاردى بىرىكتىرەتىن ءىرى مادەني فورۋم – «سلاۆيان بازارى» اتتى حالىقارالىق ونەر فەستيۆالىنىڭ اشىلۋىنا قاتىستى.
