قايعىلى حاباردى «قازاقفيلم» اق-نىڭ ءباسپاسوز حاتشىسى دميتري شيشكين راستادى. «قايعىلى جاڭالىق. بۇگىن تۇندە ۇزاق سىرقاتتان كەيىن ۆلاديمير تولوكوننيكوۆ قايتىس بولدى. قازىر ونى اقتىق ساپارعا شىعارىپ سالۋ جۇمىستارىمەن مارقۇمنىڭ دوسى, رەجيسسەر كونستانتين حارالامپيديس اينالىسىپ جاتىر. ازىرگە ناقتى اقپارات جوق, بىراق قوشتاسۋ ءراسىمى سەيسەنبى كۇنى ماسكەۋدەگى كينو ۇيىندە وتەدى دەپ كۇتىلۋدە. ال دەنەسى تروەكۋروۆسك زيراتىنا جەرلەنەدى. ەلىمىزدىڭ تالانتتى ارتىستەرىنىڭ ءبىرىنىڭ جاتقان جەرى جايلى بولسىن", - دەدى دميتري شيشكين.
قر مəدەنيەت جəنە سپورت ءمينيسترى ارىستانبەك مۇحامەدي ۇلى فەيسبۋك پاراقشاسىندا "ۆلاديمير الەكسەەۆيچ لەرمونتوۆ اتىنداعى ورىس دراما تەاترىندا 40 جىلدان استام ۋاقىت ەڭبەك ەتتى. 24 ماۋسىمدا نەبəرى 74 جاسقا تولعان-تۇعىن. جاقىندارى مەن تۋىستارىنا قايعىرا كوڭىل ايتامىن", دەپ جازدى.ء ارتىستىڭ ۇلى يننوكەنتي حابارلاسقان رەسەيلىك اقپارات اگەنتتىكتەرىنە اكەسىنىڭ كوز جۇمعانىن راستادى.
ۆلاديمير تولوكوننيكوۆ 1943 جىلى 25 ماۋسىمدا الماتى قالاسىندا دۇنيەگە كەلگەن. قازكسرو-نىڭ ەڭبەك سىڭىرگەن ءارتىسى. 1973 جىلى ياروسلاۆل تەاتر ۋچيليششەسىنىڭ اكتەرلىك فاكۋلتەتىن اياقتادى. 1988 جىلى «سوباچە سەردتسە» فيلمىندە پوليگراف پوليگرافوۆيچ ء رولىy سومداعاننان كەيىن اسا تانىمالدىلىققا يە بولدى. سونداي-اق پ.ۆ.ءتوچيليننىڭ «حوتتابىچ» فيلمىندە باستى ءرولدى وينادى, وندا اكتەر ينتەرنەت-مادەنيەتپەن بەتپە-بەت كەلگەن قازىرگى زاماننىڭ ءدجينى بولادى. حوتتابىچ ءرولى ءۇشىن «MTV-2007» كينوجۇلدەسىنىڭ نوميناتسياسىن جەڭىپ الدى. تولوكوننيكوۆ 60-تان استام فيلم مەن سەريالعا تۇسكەن. سوڭعى جىلدارى الماتىداعى لەرمونتوۆ اتىنداعى رەسپۋبليكالىق اكادەميالىق ورىس دراما تەاترىندا جۇمىس ىستەپ, ونىمەن ءبىر مەزگىلدە كينوعا ءتۇسىپ ءجۇردى.
