لاگەردىڭ نەگىزگى ماقساتى - تۇركى كەڭەسى ەلدەرىنىڭ جاستارى اراسىندا مəدەنيەتارالىق بايلانىس, جاستار ساياساتى سالاسىندا وزىق تəجىريبە مەن يننوۆاتسيالىق جوبالار الماسۋ.
ءتۇرلى جاستار ۇيىمىنىڭ وكىلدەرى قر پرەزيدەنتى نۇرسۇلتان نازارباەۆتىڭ "بولاشاققا باعدار: رۋxاني جاڭعىرۋ" اتتى باعدارلامالىق ماقالاسىن تالقىلاپ, وي قوستى. ەلباسىنىڭ تۇركى الەمىنىڭ ينتەگراتسياسىنا قاتىستى باستامالارىنا قولداۋ ءبىلدىرىپ, تۇركى ەلدەرىنىڭ مəدەني-گۋمانيتارلىق ىقپالداستىعىن ارتىرۋدا ماڭىزدى ەكەندىگى ايتىلدى. سونداي-اق جاستار ساياساتىنداعى يننوۆاتسيالىق يدەيالاردىڭ ىسكە اسۋى, وسى سالاداعى تۇركى كەڭەسى ەلدەرىندە جۇزەگە اسىرىلىپ جاتقان ءتيىمدى جوبالار مەن باسقا دا وزەكتى ماسەلەلەردى تالقىلادى.
جازعى لاگەردىڭ جابىلۋ سالتاناتىنا حالىقارالىق تۇركى اكادەمياسىنىڭ پرەزيدەنتى دارxان قىدىرالى, «قازاقپارات» حاا باس ديرەكتورى اسقار ۋماروۆ, قر ءدىن ىستەرى جانە ازاماتتىق قوعام مينيسترلىگى جاستار ساياساتى دەپارتامەنتىنىڭ ديرەكتورى عابيدوللا وسپانقۇلوۆ, سونداي-اق "جاس وتان" جاستار قاناتىنىڭ, استانا قالاسى مەن اقمولا وبلىسىنىڭ جاستار ساياساتى ماسەلەلەرى باسقارمالارىنىڭ وكىلدەرى قاتىستى. شارانى قر ءدىن ىستەرى جانە ازاماتتىق قوعام مينيسترلىگى, «جاس وتان» جاستار قاناتى جانە حالىقارالىق تۇركى اكادەمياسى ۇيىمداستىردى. ايتا كەتكەن ءجون, تۇركى كەڭەسىنىڭ العاشقى لاگەرى وتكەن جىلى تۇركيادا ۇيىمداستىرىلعان بولاتىن. كەلەسى لاگەر ازەربايجاندا نەمەسە قىرعىزستاندا وتەدى.
