«اگرارلىق سەكتوردى ءارتاراپتاندىرۋ بويىنشا جۇمىس قاتار جاسالۋدا. ءبىز قازىر باقشا داقىلدارى مەن مايلى داقىلدار, سونداي-اق, كارتوپ پەن ونەركاسىپتىك نەگىزدەگى كوكونىس ءوسىرۋدى ۇلعايتۋ بويىنشا بەلسەندى جۇمىس جاساۋدامىز», دەدى وبلىس اكىمى ق.كوشەرباەۆ.
اكىمنىڭ ايتۋىنشا اۋىل شارۋاشىلىعى ونىمدەرىن ءوندىرۋدىڭ نەگىزگى ۇلەسى ۇساق شارۋاشىلىقتارعا تيەسىلى بولعاندىقتان اۋىل شارۋاشىلىعى كووپەراتيۆتەرىن قۇرۋ جۇمىستارى بەلسەندى اتقارىلۋدا. قازىرگى تاڭدا وبلىستا 64 اۋىل شارۋاشىلىعى كووپەراتيۆى قۇرىلدى. ولار 1325 جەكە قوسالقى شارۋاشىلىقتاردىڭ باسىن بىرىكتىرىپ وتىر.
ايتا كەتۋ كەرەك, سىرتقى نارىققا شىعارىلاتىن ەكسپورتتىڭ نەگىزگى ءونىم تۇرلەرىن كۇرىش پەن بالىق قۇرايدى. تەك سوڭعى ءتورت جىلدىڭ ىشىندە كۇرىش ەكسپورتى 28%-عا, ال, بالىق 8 ەسەدەن جوعارى ءوستى. بۇعان قوسا كۇرىش وتكىزۋدە نارىقتى قايتا باعىتتاۋ بويىنشا جۇمىستار باستالدى, مىسالى, يرانعا.
«جاڭا نارىققا كوشۋ بارىسىندا كۇرىش شارۋاشىلىعى اگروونەركاسىپ كەشەنىنىڭ نەگىزگى ەكسپورتتىق سالاسى بولىپ سانالادى. اوك سالاسىندا كۇرىشتىڭ ەكسپورتتا الار ورنى 44 %-دى قۇرايتىن بولادى», دەپ اتاپ ءوتتى اكىم.
اۋىل شارۋاشىلىعى ءوندىرىسى سالاسىنداعى باسەكەلەستىك ارتىقشىلىقتارىن باعالاۋ ءۇشىن, كەشەندى ماركەتينگتىك زەرتتەۋلەر جۇرگىزىلدى. بۇدان سوڭ, وبلىستىڭ الەۋەتىن ەسكەرە وتىرىپ, 2020 جىلعا دەيىنگى اگروونەركاسىپ كەشەنىن دامىتۋدىڭ «اگروكارتاسى» جاسالدى, وندىرىستىك قۋاتتاردى ەنگىزۋدىڭ 2017-2020 جىلدارعا ارنالعان جوسپارى بەكىتىلدى. «اگروكارتادا» بەلگىلەنگەن شارالاردى جۇزەگە اسىرۋ ناتيجەسىندە 2020 جىلعا قاراي اۋىل شارۋاشىلىعى ونىمدەرىنىڭ جالپى كولەمىنىڭ ءوسىمى 2,4 ەسەگە نەمەسە 213 ملرد. تەڭگەگە ارتاتىن بولادى, بۇل رەتتە 2020 جىلعا قاراي ەكسپورت كولەمىن 5 ەسەدەن جوعارى ارتتىرۋدىڭ الەۋەتتى مۇمكىندىگى بار.
