ول بويىنشا ەندى جول قوزعالىسى ەرەجەسىن قولىڭدا پلانشەت, نوۋتبۋك, كومپيۋتەر بولسا ۇلكەن-كىشى ۇيرەنە بەرۋگە بولادى. ونى تەك مۇعالىمدەر عانا ەمەس, ۇيدە اتا-انالار دا پايدالانا الادى. ەلەكتروندىق وقۋلىقتى جاساعاندار بۇل نوۋ-حاۋدىڭ ەلىمىزدە ءالى بالاماسى جوق ەكەنىن ايتتى.
«ورلەۋ» بىلىكتىلىكتى كوتەرۋ ۇلتتىق ورتالىعى قوستاناي وبلىستىق فيليالىنىڭ ديرەكتورى ماريونەللا سلەسار ساندىق رەسۋرستىڭ يننوۆاتسيالىق جوبا ەكەنىن ايتا كەلىپ, جول قوزعالىسى ەرەجەسىن ۇيرەتۋدە ونىڭ بالالارعا قىزىقتى بولاتىنىن جەتكىزدى. وبلىستىق ىشكى ىستەر دەپارتامەنتى جەرگىلىكتى پوليتسيا قىزمەتىنىڭ باستىعى, پوليتسيا پولكوۆنيگى نىعمەت ىسماعۇلوۆ بۇل جوبانىڭ بالالاردىڭ جولداعى جاراقاتىنىڭ ازايۋىنا سەپتىگى تيەتىنىن ايتتى.
«بالالار مەن جاسوسپىرىمدەرگە جول قوزعالىسى ەرەجەسىن وقىتۋدىڭ وتە قولايلى, ولارعا قىزىقتى فورماسى, ادىستەمەسى بولادى دەپ ۇمىتتەنەمىز» دەدى نىعمەت ىسماعۇلوۆ.
جول قوزعالىسى ەرەجەسىنىڭ ساندىق رەسۋرسى جىتىقارا اۋداندىق ءماسليحاتىنىڭ دەپۋتاتى گۇلسارا جامانقۇلوۆانىڭ قولداۋىمەن تۇساۋكەسەرگە ارنالىپ, قازاق جانە ورىس تىلدەرىندە بۋكلەت بولىپ باسىلىپ شىقتى. الداعى ۋاقىتتا ەلەكتروندى وقۋلىق قوستاناي وبلىسى مەن رەسپۋبليكاداعى بارلىق مەكتەپتەرگە تاراتىلىپ بەرىلەدى. سونىمەن قاتار ونى «ورلەۋدىڭ» سايتىنان دا كوشىرىپ الۋعا بولادى.
«رەسۋرس قول جەتىمدى پلاتفورمادا دايىندالعان. سوندىقتان ونى كومپيۋتەرلەرگە ءتۇرلى سيپاتپەن ەنگىزۋگە بولادى. ونى قاراۋ ءۇشىن ينتەرنەت جەلىسىنە قوسىلۋدىڭ قاجەتى جوق, بارلىق مۋلتيمەديالىق كونتەنت, كەرەكتى باعدارلامالار رەسۋرستىڭ وزىندە ساقتالادى» دەدى ماريونەللا ۆاسيلەۆنا.
ءنازيرا جارىمبەتوۆا,
«ەگەمەن قازاقستان»
قوستاناي
