«حالىقارالىق ەنەرگەتيكا اگەنتتىگىنىڭ مالىمەتى بويىنشا 2015 جىلى ەنەرگيا تيىمدىلىگىن دامىتۋعا سالىنعان قارجىنىڭ ءوسۋى 6 پايىز بولعان, ال سالىنعان جالپى ينۆەستيتسيا كولەمى – 221 ملرد دوللار. جاڭارتىلاتىن ەنەرگيا كوزدەرىن ءوندىرۋ 2014 جىلمەن سالىستىرعاندا 33 پايىزعا وسكەن, ياعني قازىرگى ۋاقىتتا ەنەرگەتيكا سەكتورى ەنەرگيانى ۇنەمدەۋ جانە ەنەرگيا تيىمدىلىگىن ارتتىرۋ, سونداي-اق جاڭارتىلاتىن ەنەرگيا كوزدەرى تاراپىنا قايتا باعدارلاۋ ساتىسىندا ەكەنىن كورەمىز», دەدى وسى جيىنعا قاتىسقان ينۆەستيتسيالار جانە دامۋ ءمينيسترىنىڭ ءبىرىنشى ورىنباسارى اليك ايدارباەۆ. ونىڭ ايتۋىنشا, ەنەرگيا ۇنەمدەۋ ساياساتىنىڭ ارقاسىندا قاۋىپسىز جانە تازا ەلەكتر ستانسالارىن سالۋعا بولادى. قازاقستان ەنەرگيا ۇنەمدەۋدى 2020 جىلعا قاراي 25 پايىزعا, 2050 جىلعا قاراي 50 پايىزعا ۇلعايتپاق.
باسقوسۋدا گەرمانيا ەكونوميكا جانە ەنەرگەتيكا مينيسترلىگىنىڭ مەملەكەتتىك حاتشىسى ۋۆە بەكمايەر قازاقستان جاڭارتىلاتىن ەنەرگيا كوزدەرىن دامىتۋ بارىسىندا (جەك) گەرمانيانىڭ تاجىريبەسىنە سۇيەنگەنى ءجون ەكەنىن ايتتى. گەرمانيا كەزىندە كومىر وندىرۋدەن باس تارتقانىمەن, مۇناي مەن گازدىڭ يمپورتىن ساقتاپ قالعان ەكەن. «ەڭ ماڭىزدىسى, ءوزىن ءوزى رەتتەيتىن ەرەجەلەر. مىسالى, ماروككو مەن ءباا-دە, سونداي-اق بىلتىر گەرمانيادا وتكەن جەل ەنەرگياسىن قولدانۋعا قاتىستى بايقاۋ ءبىر كۆت ءۇشىن ءۇش تسەنت تولەيتىن باعانى جاساۋعا بولاتىنىن كورسەتتى. ياعني, سوڭعى جىلدارى قول جەتكىزگەن يننوۆاتسيالارعا قاتىستى دۇرىس ساياساتتىڭ ارقاسىندا ينۆەستورلاردىڭ مەملەكەتتىڭ قوسىمشا قولداۋىنسىز-اق نارىق باعاسىمەن جاڭارتىلاتىن ەنەرگيا كوزدەرىنە ارنالعان ەلەكتر ستانسالارىن سالۋعا قول جەتكىزدىك. بۇل بيزنەس ءۇشىن مۇمكىندىكتىڭ بار ەكەنىن كورسەتەدى», دەدى ۋ.بەكمايەر.
ول جەك-ءتى سالۋعا كەتكەن قىسقا مەرزىمدى شىعىنداردى ۇزاق مەرزىمدى رەجىمدە قايتارىپ الۋعا بولاتىنىن دا ايتتى.
اسحات رايقۇل,
«ەگەمەن قازاقستان»
