اگرارلى ايماق ديقاندارى قازىرگى تاڭدا جينالعان باقشا داقىلدارىن جەرگىلىكتى ساۋدا ورىندارىنان بولەك, ەلىمىزدىڭ وزگە ايماقتارى مەن شەت ەلدەرىنە ەكسپورتقا شىعارۋدا. ماسەلەن, رەسەيگە 35 مىڭ توننا قاربىز, 16 مىڭ توننا قاۋىن, ال بەلارۋس ەلىنە 481 توننا قاۋىن-قاربىز جونەلتىلسە, لاتۆياعا 127 توننا قاۋىن ەسپورتتالعان. ال قالعانى ەل نارىعىندا ساتىلۋدا.
ال, بۇگىندە باقشا داقىلدارىن ەگۋدە وبلىستاعى ەڭ ءىرى اگرو ايماق بولىپ سانالاتىن ماقتاارال اۋدانىنىڭ تۇرعىندارى 24 مىڭ گەكتار جەرگە باقشا ءونىمىن ەككەن. ديقاندار ەگىلگەن قاۋىن-قاربىزدان 74 مىڭ توننادان استام ءونىم جيناپ, ساۋدالاعان. ولار ءونىمنىڭ 70 پايىزىن شەتەلگە, قالعان 30 پايىزىن وتاندىق نارىققا شىعارعان.
ماقتارالدىق ديقاندار بىلتىر ەسكپورت پەن ىشكى نارىقتى قوسا ەسەپتەگەندە 7,6 ميلليارد تەڭگەنىڭ قاۋىن-قاربىزىن ساتقان. بۇل قارجىنىڭ 70 پايىزى شەت ەلدەرمەن اراداعى ساۋدادان تۇسكەن. بيىل ەگىلگەن قاۋىن-قاربىزدىڭ كولەمى 1000 گەكتارعا ارتىق, سوندىقتان دا ءونىم كولەمى مەن تۇسەتىن تابىس بىلتىرعىعا قاراعاندا جوعارى بولادى دەپ كۇتىلۋدە.
