بەس كۇنگە جوسپارلانعان باعدارلامادا 20-دان استام ءار ءتۇرلى قويىلىمدار مەن كونتسەرتتەر, دەفيلە مەن قولونەر شەبەرلەرىنىڭ كورمەسى بار, - دەپ حابارلايدى اتىراۋ وبلىستىق وڭىرلىك كوممۋنيكاتسيا قىزمەتى.
ونەر اپتالىعىنىڭ شىمىلدىعى 16 شىلدە كۇنى ساعات 11.00-دە كونگرەسس-حولدا د.نۇرپەيىسوۆا اتىنداعى اكادەميالىق قازاق ۇلت اسپاپتار وركەسترىنىڭ «كۇي-كەرۋەن» اتتى كونتسەرتىمەن اشىلادى. سول ۋاقىتتا كونگرەسس-حولل الدىنداعى الاڭدا ن.ءجانتورين اتىنداعى وبلىستىق فيلارمونيانىڭ ۇرمەلى اسپاپتار وركەسترى ونەر كورسەتەدى. ال 12.30-دا «ايسۇلۋ» ءسان ءۇيى توپتاماسىنىڭ دەفيلەسىن تاماشالاۋعا بولادى. استاناداعى العاشقى كۇن ەكسپو-2017 كەشەنىنىڭ امفيتەاترىندا وتەتىن «اتىراۋ ايشىقتارى» گالا كونتسەرتىمەن اياقتالادى. باستالۋ ۋاقىتى: 21.30.
كونگرەسس حولل عيماراتىندا 16-17 شىلدە كۇندەرى اتىراۋ وبلىسىنىڭ بىرنەشە كورمەسى كوپشىلىك نازارىنا ۇسىنىلادى. ءوڭىر تاريحى تۋرالى وبلىستىق تاريحي-ولكەتانۋ مۋزەيىنىڭ ەكسپوزيتسياسى قويىلادى, ال ش.ساريەۆ اتىنداعى قولدانبالى-ساندىك ونەر مۋزەيى ەكسپو تاقىرىبىنا سالىنعان سۋرەتتەر كورمەسىن ۇيىمداستىرادى. وبلىس كىتاپحانالارى كىتاپ جارمەڭكەسىن, وبلىستىق مەملەكەتتىك مۇراعات ايماقتىڭ جەتىستىكتەرى مەن تابىستارى جايلى قۇجاتتار كورمەسىن جاسايدى. كورمەلەر ساعات 11.00-دە باستالادى.
17 شىلدەدە مادەني شارالار لەگى ن.ءجانتورين اتىنداعى وبلىستىق فيلارمونيانىڭ «نارىن» حالىق اسپاپتارى وركەسترىنىڭ كونتسەرتىمەن باستالادى. وركەستر بايتەرەك مونۋمەنتىنىڭ الدىنداعى الاڭدا ساعات 19.00-دە ونەر كورسەتەدى. ءدال وسى ۋاقىتتا «جاستار» تەاترىندا ماحامبەت اتىنداعى وبلىستىق قازاق دراما تەاترىنىڭ ء«سۇيىنباي» دراماسىنىڭ پرەمەراسى قويىلادى.
18 شىلدەدە نەگىزگى شارالار ەتنواۋىل اۋماعىندا وتەدى دەپ جوسپارلانىپ وتىر. 15.00-دە «ايسۇلۋ» ءسان ءۇيىنىڭ دەفيلەسى بۇل كۇنگى باعدارلامانى اشادى. 15.30-دا د.نۇرپەيىسوۆا اتىنداعى اكادەميالىق قازاق ۇلت اسپاپتار وركەسترىنىڭ كونتسەرتى, 16.30-دا قۇرمانعازى, 17.30-دا يندەر, 18.30-دا ماقات اۋدانى ونەرپازدارى دايىنداعان كونتسەرتتىك باعدارلاما كورەرمەندەرىن كۇتەدى. 19.30-دا اتىراۋلىق كومپوزيتورلاردىڭ اندەرىنەن كونتسەرت وتەدى.
بۇل كۇنى سونداي-اق, قالا الاڭدارىندا ايماقتاعى ەتنومادەني بىرلەستىكتەر دايىنداعان مەرەكەلىك شارا بولادى, ول 17.00-دە باستالادى. كورەرمەندەر اتىراۋ جەرىندە تاتۋ-ءتاتتى تۇرمىس كەشىپ جاتقان سان ءتۇرلى ۇلت پەن ۇلىس وكىلدەرىنىڭ ونەرلەرىن, ۇلتتىق كيىمدەرىن, اندەرى مەن بيلەرىن تاماشالاي الادى. شارا 18.00-دە بي مەرەكەسىمەن جالعاسادى. 20.00-دە وبلىستىق فيلارمونيا ارتىستەرىنىڭ قاتىسۋىمەن كونتسەرت جانە تەاترلاندىرىلعان كورىنىس كورسەتىلەدى.
19 شىلدەدە ساعات 19.00-دە گوركي اتىنداعى ورىس تەاترىندا دراماتۋرگ مالىك وتارباەۆتىڭ «باياندى باق» سپەكتاكلى قويىلادى. سول ۋاقىتتا قالا الاڭدارىندا وبلىستىق فيلارمونيانىڭ ەسترادالىق وركەسترىنىڭ قاتىسۋىمەن مەرەكەلىك باعدارلاما وتەدى.
اتىراۋ وبلىسىنىڭ استاناداعى مادەني كۇندەرى 20 شىلدەدە بايتەرەك مونۋمەنتى الدىنداعى الاڭدا قورىتىندىلانادى. ساعات 19.00-دە استانا تۇرعىندارى مەن قوناقتارىن ء«ان-ارمان اتىراۋ» اتتى مەرەكەلىك كونتسەرت كۇتەدى.
باقىتگۇل باباش,
«ەگەمەن قازاقستان».
اتىراۋ
