«ەكسپو-2017 كورمەسىنە گانا «گانا – جاڭارتپالى ەنەرگيا كوزدەرىنىڭ مەكەنى» تاقىرىبىمەن قاتىسۋدا. بۇل جايت گانا ۇكىمەتىنىڭ جاڭارتپالى ەنەرگيا كوزدەرىن قولدانۋدى جانە قولدانۋ اياسىن بارىنشا كەڭەيتۋ باعىتىنداعى تۇراقتى شەشىمدەردى قابىلداۋشى جانە ەڭگىزۋشى كوشباسشى ەلدەردىڭ ءبىرى ەكەنىن كورسەتەدى. بىراق, قازاق جەرىندە ءوتىپ جاتقان بۇل كورمەگە گانانىڭ قاتىسۋ سەبەبىنىڭ باستىسى – ەكى ەل – قازاقستان مەن گانا اراسىنداعى جانە باسقا دا قاتىسۋشىلارمەن باۋىرمال ساياسي جانە الەۋمەتتىك-ەكونوميكالىق بايلانىستاردى جاڭا دارەجەگە كوتەرۋ. بۇل كورمە الەمدىك ەنەرگەتيكالىق قاجەتتىلىكتەردى قاناعاتتاندىرۋ جولىن ىزدەيتىن تاپتىرماس ەرەكشە الاڭ بولىپ تابىلادى», - دەدى ۆيتسە-مينيستر.
ءوز كەزەگىندە, قازاقستان رەسپۋبليكاسىنىڭ ءدىن ىستەرى جانە ازاماتتىق قوعام ۆيتسە-ءمينيسترى ارىن بەرىك ەكسپو-2017 كورمەسىن وتكىزۋ ءۇشىن استانا كانديداتۋراسىن قولداعانى جانە كورمەگە بەلسەندى قاتىسۋى ءۇشىن گانا ۇكىمەتىنە ءوز العىسىن ءبىلدىردى.
«گانانىڭ ۇلتتىق پاۆيلونى كورمەنىڭ بارلىق قوناقتارى مەن قاتىسۋشىلارىن بۇل ەلدىڭ تاڭعاجايىپ ەلدىڭ تەرەڭ تاريحامەن, كوپقىرلى مادەنيەتىمەن, جانە دە, جاڭارتپالى ەنەرگيا كوزدەرىن دامىتۋعا باعىتتالعان جۇمىستارىمەن تانىستىرۋعا مۇمكىندىك بەرگەندەرىڭىز قۋانتارلىق جاعداي», - دەدى ۆيتسە-مينيستر مىرزا.
ءوز حالقىنىڭ قوناقجايلىلىعىمەن, مادەني تولەرانتتىلىعىمەن تانىمال بولعان گانانى باتىس افريكا سۋبرەگيونىنىڭ بەيبىتشىلىك پەن كەلىسىم ءوازيسى دەپ ايتادى.
