بۇگىنگى كۇنى قوعامدا ءدىن ماسەلەسىنە قاتىستى ماتەريالدار جاريالاۋدا تۇسىنىسپەۋشىلىكتەرگە جول بەرمەۋ جانە ءدىن ماسەلەلەرى بويىنشا اقپاراتتىق جۇمىستى جاڭعىرتۋ ماقساتىندا وبلىستىق ىشكى ساياسات باسقارماسىنىڭ ۇيىمداستىرۋىمەن ء«دىن سالاسىنداعى مەملەكەتتىك ساياساتتىڭ پرينتسيپتەرى» تاقىرىبىندا سەمينار ءوتتى. سەميناردى باسقارما باسشىسىنىڭ ورىنباسارى داۋىل بەيسەنقۇلوۆ اشىپ, جۇرگىزىپ وتىردى.
ءوز سوزىندە وبلىستىق ءدىن پروبلەمالارىن زەرتتەۋ ورتالىعىنىڭ ءبولىم باسشىسى ەرزات جاقىپوۆ اقپاراتتىق الاڭدا ءدىني تاقىرىپتاردى جاساندى تۇردە قوزدىرۋعا جول بەرمەۋدىڭ ماڭىزدىلىعىن ايتتى. سونىمەن قاتار, وبلىستىق ورتالىق «ھيباتۋللا تارازي» مەشىتىنىڭ نايب يمامى عالىمبەك جاپەك بۇقارالىق اقپارات قۇرالدارىندا ءدىني تاقىرىپتاردى جاريالاۋدىڭ ماسەلەسىن رەتكە كەلتىرۋ جايىنا توقتالدى. سونداي-اق سەمينار بارىسىندا دەسترۋكتيۆتى ءدىني سايتتاردى جانە الەۋمەتتىك جەلىلەردەگى جاريالانىمداردى بۇعاتتاۋ شارالارىن ىسكە اسىرۋ بارىسى دا ءسوز بولدى. «بۇقارالىق اقپارات قۇرالدارىندا ءدىني تاقىرىپتارعا بايلانىستى ماسەلەلەردى جاريالاۋدى كاسىبيلەندىرۋ تالاپ ەتىلەدى. بۇل ءۇشىن ءدىني تاقىرىپتاردى جاريالاۋعا تەك دايىندىعى بار جۋرناليستەردى تارتقان ءجون», دەدى ءوز سوزىندە داۋىل ىنتىقباي ۇلى.
حاميت ەسامان,
«ەگەمەن قازاقستان»
