شىلدەنىڭ 11-ءى كۇنى كەشكە قاراي باتىس قازاقستان وبلىسى زەلەنوۆ اۋدانى داريان اۋىلىندا بۇرشاق ارالاس جاڭبىر جاۋىپ, سوڭى قادىمگىدەي قارعا ۇلاسقان. تابيعاتتىڭ بۇل توسىن قۇبىلىسى جەرگىلىكتى تۇرعىنداردى ابىگەرگە سالدى. اۋىل كوشەلەرىندە كەيبىر ەلەكتر جەلىلەرى ءۇزىلىپ, جەكە اۋلاداعى باۋ-باقشا ب ۇلىنگەن.
- ابىروي بولعاندا ادام مەن مال شىعىنى, جاراقات العاندار جوق, - دەيدى زەلەنوۆ اۋدانىنداعى ارىپتەسىمىز, «اۋىل تىنىسى» گازەتىنىڭ رەداكتورى نۇرجان ءدۇزباتىروۆ. – وبلىس باسشىسىنىڭ شۇعىل تاپسىرماسىمەن اۋدان باسشىلارى وقيعا ورنىنا جەدەل جەتىپ, تابيعات قۇبىلىسىنىڭ زارداپتارىن قالپىنا كەلتىرۋ شارالارىن جاسادى. ەلەكتر قۋاتىن بەرۋ قالپىنا كەلتىرىلدى. قازىر جەكە ادامداردىڭ اۋلاسىنا جانە ەگىس القاپتارىنا زيان تيگەن-تيمەگەنى انىقتالۋدا.
داريان – 1997 جىلى تاراتىلعان پريۋرال اۋدانىنىڭ ورتالىعى بولعان, 5 مىڭنان اسا تۇرعىنى بار ءىرى ەلدى مەكەن. ءبىر قىزىعى, داريان اۋىلىمەن كورشىلەس جاتقان باسقا ەلدىمەكەندەردە نايزاعاي ويناپ, نوسەر جاۋىن جاۋعانىمەن, قارعا ۇلاسپاعان.
قازبەك قۇتتىمۇرات ۇلى
«ەگەمەن قازاقستان»
سۋرەت الەۋمەتتىك جەلىلەردەن الىندى
