سارسەنباي ەڭسەگەنوۆ جانە بىرقاتار مەملەكەتتىك ورگانداردىڭ وكىلدەرى كەڭەس وداعى كەزىندە 17 جەر استى يادرولىق سىناق وتكىزىلگەن «ازعىر» پوليگونىن تىك ۇشاقپەن ۇستىنەن ۇشىپ قاراپ شىقتى.
دەپۋتات پەن ءىس-شاراعا قاتىسۋشىلار قازاقستان-رەسەي شەكاراسىندا ورنالاسقان «بالقۇدىق» باقىلاۋ-وتكىزۋ بەكەتىنە باردى.
تۇرعىندارمەن «بالقۇدىق» اۋىلدىق مادەنيەت ۇيiندە وتكەن كەزدەسۋگە اتىراۋ وبلىسى اكىمىنىڭ ورىنباسارى ءسالىمجان ناقپاەۆ, قۇرمانعازى اۋدانىنىڭ اكىمى بيبوز شاياحمەتوۆ, بىرقاتار مينيسترلىكتەر مەن ۇلتتىق قاۋىپسىزدىك كوميتەتى شەكارالىق قىزمەتىنىڭ وكىلدەرى قاتىستى.
شارا بارىسىندا ءوڭiردiڭ الەۋمەتتiك-ەكونوميكالىق دامۋىنا بايلانىستى جول كارتاسىنىڭ ورىندالۋى تۋرالى ماسەلە قارالدى. سونىمەن بiرگە, بالقۇدىق-قارابالى شەكارادان ءوتۋ ورنىن ەك جاقتى اۆتوموبيل ءوتۋ پۋنكتiنە اۋىستىرۋ تۋرالى اتقارىلعان جۇمىستار تالقىلاندى.
ءوڭىر تۇرعىندارىمەن كەزدەسۋ بارىسىندا الەۋمەتتىك ماسەلەلەر, ونىڭ ىشىندە اۋىز سۋ تاپشىلىعى دا ءسوز بولدى. ايماق تۇرعىندارى سۋ قۇبىرىن سالۋدى اياقتاۋ تۋرالى تالاپتارىن جەتكىزدى.
كەزدەسۋ بارىسىندا جەرگىلىكتى حالىققا ازعىر پوليگونىندا ورنالاسقان رەسەيدىڭ №13 يا «ياۆا» قوندىرعىسى تۋرالى اقپارات بەرiلدi.
