كەزدەسۋ مەملەكەت باسشىسى نۇرسۇلتان نازارباەۆ ءبىلىم العان قاراعاندى مەملەكەتتىك تەحنيكالىق ۋنيۆەرسيتەتىندە ءوتتى. اكىم بىرەگەي ساۋلەتپەن كورىكتى ەلوردامىزدىڭ قۇرىلىسىنا ۇلەس قوسقان قۇرىلىسشىلارعا العىس ءبىلدىردى.
«وسى جەردە مەملەكەت باسشىسىمەن قاتار ءجۇرىپ, ەلوردانى سالۋعا جاردەمدەسكەن قۇرىلىسشىلار جينالىپ وتىر. ن. نازارباەۆپەن بىرگە تەمىرتاۋ مەن قازاقستاندىق ماگنيتكانى سالعان ونىڭ ۇزەڭگىلەستەرىنە العىسىم شەكسىز. ەڭبەك جولىن كەڭەستىك كەزەڭدە باستاپ, تاۋەلسىز قازاقستاندا جالعاستىرعان ارقايسىڭىزدىڭ ەلدىڭ دامۋىنا قوسقان ۇلەستەرىڭىز ۇشان-تەڭىز», - دەدى ەرلان قوشانوۆ.
«ترەست كاراگانداجيلستروي» باس ينجەنەرى ۆلاديمير گوسمان كەزىندە استانانىڭ 9-شاعىن اۋدانىندا تۇرعىن ءۇي كەشەنىن, تسيرك الدىنداعى الاڭدى سالعان.
ء«بىز ەلوردانىڭ كىرپىشىن العاشقىلاردىڭ ءبىرى بولىپ قالادىق جانە ونىڭ الەمدىك دەڭگەيدەگى قالا بولاتىنىنا سەندىك. پرەزيدەنتتىڭ كورەگەندىگىنىڭ, حالىقتىڭ بىرلىگىنىڭ ارقاسىندا جوسپار ءساتتى ىسكە اسىپ, كوركەم استانا بوي كوتەردى», - دەدى قۇرىلىستا 43 جىلدىق ەڭبەك ءوتىلى بار ۆلاديمير گوسمان.
ۆلاديمير گوسماننىڭ ارىپتەسى - «ترەست كاراگانداجيلستروي» باس ينجەنەرى ۆلاديمير كورج ەلوردا قۇرىلىسىنا 8 جىل ارالاسقان. «كوماندامىز جەلتوقسان كوشەسىندەگى ۇيلەردىڭ قاسبەتىن جوندەدى.
«تىكۇشاقتارعا ارنالعان انگار» سالدىق. استانانىڭ ونجىلدىعىنا وراي 2008 جىلى سالىنعان تسيرك ماڭىنداعى سۋبۇرقاق قۇرىلىسىنا تەحنيكالىق قاداعالاۋ جۇرگىزدىم», - دەپ سول كەزەڭدەردى ەسكە الدى قۇرىلىس سالاسىندا 53 جىل ەڭبەك ەتىپ كەلە جاتقان ۆلاديمير الەكساندروۆيچ كورج. كەزدەسۋدەن كەيىن, بارلىق شاقىرىلعان قۇرمەتتى قوناقتارعا وبلىس اكىمى سالتاناتتى تۇردە العىس حاتتار تابىستادى. سونىمەن قاتار, مەيماندارعا ەكسپو-2017 كورمەسىنە ارنالعان بيلەتتەر سىيعا تارتىلدى.
ودان ارىدە قوناقتار ايماق باسشىسىمەن بىرگە قاراعاندى قالاسىنىڭ مادەنيەت جانە دەمالىس ساياباعىنا بەت الىپ, ەلوردامىزدىڭ تۋعان كۇنىنە ارنالعان «ارمان قالا - استانا» اتتى مەرەكەلىك كونتسەرتتى تاماشالادى. اتالمىش ءىس-شارادا قازاق ەستراداسىنىڭ جۇلدىزى باقىت شاداەۆا باستاعان ونەرپازدار كەش كورىگىن قىزدىردى.
ميراس اسان,
«ەگەمەن قازاقستان»
قاراعاندى وبلىسى
