بىرنەشە جىل بۇرىن زاۋىت ماڭىنداعى سوكولوك وزەگىنىڭ بويىنان جاسىل بەلدەۋ جاساۋ جونىندە ماسەلە كوتەرىلگەن ەدى. الايدا, جايقالىپ كەتكەن جەلەكتى كوز كورگەن جوق. ءوندىرىس وشاقتارىنىڭ قورشاۋىندا تۇرعان وبلىس ورتالىعىنىڭ ەكولوگياسىن ساۋىقتىرۋعا از دا بولسا ۇلەس قوسسام دەگەن ازاماتتىڭ باستاماسىن وبلىس اكىمى نۇرلان نوعاەۆ تا قولدادى.
«ەگەر بيىل سوكولوۆ كانالى ماڭىنان ءۇش مىڭ گەكتارعا توپينامبۋر ەكسەك, ەكىنشى جىلى ودان وتىز مىڭ گەكتار جەرگە جەتەتىن تۇقىم الامىز. ونى وبلىستىڭ بارلىق فەرمەرلەرىنە مال ازىعى رەتىندە وتە تومەن باعامەن ساتۋعا بولادى», دەيدى ارمان حايرۋللين. توپينامبۋردىڭ ءبىر كەرەمەتى كۇندەلىكتى تۇتىنار تاماقتان بولەك مالعا ازىق بولادى, ءدارى-دارمەك جاساۋ ءۇشىن دە وسى وسىمدىك پايدالانىلادى ەكەن. ال اتىراۋعا ەڭ قولايلىسى ونىڭ ورمان اعاشتارىنان ەكى ەسە كوپ وتتەگى بولەتىنى. توپىراقتىڭ قۇنارلىلىعىن ارتتىراتىن قاسيەتى تاعى بار. ء«وندىرىستى اتىراۋعا جەر المۇرتىن ەگىپ, وتتەگىنى كوبەيتۋگە بولادى. كەز كەلگەن ەكولوگيالىق شارا باستاپقىدا قارجىنى قاجەت ەتەدى, الايدا حالىقتىڭ دەنساۋلىعى قاي سومادان دا جوعارى», دەگەن كاسىپكەر بيزنەس-جوباسىنىڭ ءساتتى جۇزەگە اسارىنا سەنىمدى.
باقىتگۇل باباش,
«ەگەمەن قازاقستان»
اتىراۋ
