بايقاۋ تالاپتارى بويىنشا ۇمىتكەرلەر تۋعان جەر, كيەلى ورىندار مەن كورىكتى مەكەندەر تاقىرىبىن قامتىعان تاريحي-تانىمدىق, زەرتتەۋ ماقالالارى مەن فوتورەپورتاجدارىن جولداۋى ءتيىس ەدى. سوعان وراي, رەداكتسيامىزعا ەل وڭىرلەرىنەن 20-دان اسا ماتەريال كەلىپ ءتۇستى. رەداكتسيا القاسىنان قۇرالعان كونكۋرستىق كوميسسيا وسى ماتەريالدارمەن جەكە-جەكە تانىسىپ, ەڭ ۇزدىكتەرىن ىرىكتەدى.
ناتيجەسىندە, «ۇزدىك جۋرناليستىك زەرتتەۋ» نوميناتسياسىندا ەرزات ەرماعانبەتوۆ, «ۇزدىك تانىمدىق ماتەريال» نوميناتسياسىندا - ايدانا جۇمادينوۆا, «ۇزدىك فوتورەپورتاج» نوميناتسياسىندا جادىرا مۇساباي ەسىمدى جاس جۋرناليستەر جەڭىمپاز اتاندى.
جەڭىمپازداردى ماراپاتتاۋ ءراسىمى بۇگىن «ەگەمەن قازاقستان» رەداكتسياسىندا ءوتىپ, جۇلدەگەرلەرگە ارنايى جاسالعان كادەسىيلار مەن 200 مىڭ تەڭگە اقشالاي سىيلىقتىڭ سەرتيفيكاتتارى تاپسىرىلدى.
