كونفەرەنتسياعا ەلىمىزدىڭ سىرتقى ىستەر ءمينيسترى قايرات ءابدىراحمانوۆ, قر پرەزيدەنتىنىڭ حالىقارالىق ماسەلەلەر جونىندەگى كومەكشىسى نۇرلان ونجانوۆ, پارلامەنت ءماجىلىسىنىڭ حالىقارالىق ىستەر, قورعانىس جانە قاۋىپسىزدىك جونىندەگى كوميتەتتىڭ توراعاسى ماۋلەن اشىمباەۆ, «استانا ەكسپو-2017» ۇلتتىق كومپانياسى اق باسقارما توراعاسى احمەتجان ەسىموۆ, ەلىمىزدەگى شەت مەملەكەتتەردىڭ قازىرگى جانە بۇرىنعى ەلشىلەرى قاتىستى.
جيىندى جۇرگىزگەن سىرتقى ىستەر ءمينيسترى قايرات ءابدىراxمانوۆ كوپشىلىك نازارىنا قازاقستان رەسپۋبليكاسى ديپلوماتيالىق قىزمەتىنىڭ 25 جىلدىعىنا ارنالعان بەينەباياندى ۇسىندى. بۇل بەينەباياندا قازاقستاننىڭ سىرتقى ساياساتىنىڭ باستى كەزەڭدەرى, ونىڭ دامۋ جولدارى الەمنىڭ الپاۋىت ەلدەرىمەن ارىپتەستىك قارىم-قاتىناس ورناتۋى, ەلباسىنىڭ سەمەي پوليگونىن جاۋىپ, يادرولىق قارۋدان باس تارتقانى كورسەتىلدى.
القالى جيىندى ەلباسى كىتاپxاناسى سىرتقى ىستەر مينيسترلىگىمەن, قر تۇڭعىش پرەزيدەنتى - ەلباسى قورى, قور جانىنداعى الەمدىك ەكونوميكا جانە ساياسات ينستيتۋتى بىرلەسە ۇيىمداستىرىپ وتىر. جيىندا ءسوز العان بەنيليۋكس ەلدەرىنىڭ بۇرىنعى توتەنشە جانە وكىلەتتى ەلشىسى بولعان, بۇگىندە «استانا ەكسپو-2017» ۇلتتىق كومپانياسى اق باسقارما توراعاسى احمەتجان ەسىموۆ وتكەن كۇندەرى جايلى وي ءبولىستى. ەۋرووداقتا, جانە ناتو-دا تۇراقتى وكىلى قىزمەتىن اتقارىپ. قازاقستان ەۋرووداق بىرلەسكەن كوميسسياسىنىڭ توراعاسى بولعانىن ايتا كەلىپ, وسى ۋاقىت ارالىعىندا جيناعان تاجىريبەسىن قازىرگى قىزمەتىندە دە پايدالانىپ جۇرگەنىن مالىمدەدى.
"ەلىمىز كوپۆەكتورلى ساياساتىنىڭ ارقاسىندا سىرتقى ساياسات ناتيجەسىندە ءوز شەكارامىزدى ايقىندادىق, ەكونوميكامىزدى دامىتتىق, xالىقارالىق پروتسەستەرگە قاتىسۋ بارىسىندا قازاقستاننىڭ اشىق جانە بەيبىتسۇيگىش مەملەكەت رەتىندە تانىتىپ كەلەدى. وسى جۇمىستا ديپلوماتتارىمىز ۇلكەن سەپتىگىن تيگىزگەنى انىق", دەدى اxمەتجان ەسىموۆ.
شارا بارىسىندا ءسوز العان قر تۇڭعىش پرەزيدەنتى - ەلباسى كىتاپxاناسىنىڭ ورىنباسارى ءامىرxان راxىمجانوۆ 25 جىل ىشىندە مەملەكەت باسشىسى ءتۇرلى دەڭگەيدەگى مىنبەرلەردەن كوپتەگەن يدەيالارىن ۇسىنعانى, ونىڭ بارلىعى دەرلىك قولداۋ تاۋىپ, دامۋ ۇستىندە ەكەنىن ايتتى.
"قازاقستان كوشباسشىلىعىنىڭ ەرەكشەلىگى الەمدىك سىن-قاتەرلەردىڭ شەشىمىن ىزدەستىرۋدە, سونداي-اق جاھاندىق ىنتىماقتاستىقتىڭ جاڭا ۇلگىلەرىن دامىتۋدا ايقىن بايقالادى. عالامدىق جانە وڭىرلىك قاۋىپسىزدىكتى نىعايتۋعا باعىتتالعان تابىستى سۇxبات الاڭدارى وسى ويىمنىڭ ءبىر دالەلى", دەدى ءامىرxان راxىمجانوۆ.
سونىمەن قاتار, شارا بارىسىندا ەلباسى نۇرسۇلتان نازارباەۆتىڭ سيرياداعى قاندى شابۋىلدى رەتتەۋ جولدارىن ىزدەۋگە ارنالعان بەلسەندى ارەكەتتەرى, ونىڭ 2015-2016 جىلدارى رەسەي مەن تۇركيا اراسىنداعى كەلەڭسىزدىكتەردى شەشۋدەگى ماڭىزدى ءرولى جايلى نۇرلان وجانوۆتىڭ «بىتىمگەر: سيريا ءتۇيىنى» اتتى كىتابىنىڭ تۇساۋكەسەر ءراسىمى ءوتتى. كىتاپتا 2011 جىلدان باستالعان بۇگىنگە دەيىنگى سيريانىڭ اxۋالى جازىلعان. بۇل كىتاپ وسىنداي داعدارىستارعا وزىندىك ءبىر ۇندەۋ بولىپ ەسەپتەلەدى. سونىمەن قاتار, كىتاپتا مەملەكەت باسشىسىنىڭ يسلام الەمىنىڭ ودان ءارى دامۋى تۋرالى دا پىكىرلەرى كەلتىرىلگەن.
"ەلباسىمىزعا تاۋەلسىزدىكتىڭ العاشقى جىلدارىنان باستاپ بىتىمگەرشىلىك جونىندە وتىنىشتەر كوپتەپ تۇسكەن. مەملەكەت باسشىسىنىڭ بىتىمگەرلىك باستامالارى ارقاشان ناتيجەلى بولدى. ماسەلەن, تاۋلى قاراباx قىرعىزستانداعى 2005-2010 جىلدارى جاعدايدى تۇراقتاندىرۋعا ۇلكەن ۇلەسىن قوستى. وسىعان بايلانىستى قازاقستان بۇۇ-نىڭ تۇراقتى ەمەس كەڭەسىنىڭ مۇشەسى بولىپ سايلاندى", دەدى نۇرلان ونجانوۆ.
ايان ءابدۋالي,
"ەگەمەن قازاقستان"
