ءىس-شاراعا جوعارى سوت ورگانىنىڭ سوت القالارىنىڭ توراعالارى مەن سۋديالارى, جوعارعى سوت جانىنداعى سوتتاردىڭ قىزمەتىن قامتاماسىز ەتۋ دەپارتامەنتىنىڭ باسشىلىعى قاتىستى.
كەزدەسۋدى اشا كەلە, ق.ءمامي: «ساۋاتتى ءارى جۇيەلى اقپاراتتىق جۇمىس مەملەكەتتىك بيلىكتىڭ كەز-كەلگەن تارماعى ءۇشىن ماڭىزدى. جۋرناليستەردىڭ اقپاراتتى پايىمداۋ مەن قايتا وڭدەۋ بويىنشا قابىلەت-قارىمى تۇرعىندار ءۇشىن سوتتار جۇمىسىنىڭ بارلىق ەرەكشەلىكتەرىن اشىپ كورسەتۋگە مۇمكىندىك بەرەدى», - دەدى. وسى رەتتە ەموتسيا مەن بولجامدارعا ەرىك بەرمەۋدىڭ, الدەكىمدەردىڭ پايداسى ءۇشىن قوعامدىق پىكىردى ىقتيمال بۇرمالاۋدى بولدىرماۋدىڭ ماڭىزدىلىعى ايتىلدى.
جوعارعى سوت توراعاسى قازىرگى تاڭدا باق پەن جۋرناليست كاسىبى بىرقاتار سىن-قاتەرلەرمەن ۇشىراسىپ وتىرعاندىعىن ايتتى. ءموبيلدى ينتەرنەت, الەۋمەتتىك جەلىلەردىڭ مۇمكىندىگى مەن جاڭا گادجەتتەر ءاربىر ادامعا «پسەۆدو» جۋرناليستكە اينالۋ مۇمكىندىگىن بەرىپ وتىر. وسى ورايدا باق-تىڭ كاسىبيلىگى جانە ەڭ باستىسى جۋرناليستيكانىڭ فاكتىگە نەگىزدەلگەن اقپارات تاراتۋ, ەكى تاراپتىڭ ۇستانىمىن تەڭدەي بەرۋ, دايەكتەلگەن سىن ايتۋ پرينتسيپتەرى ايرىقشا ماڭىزعا يە. ء«بىز ەموتسياعا ەرىك بەرمەي, احۋالدى تولىقتاي زەرتتەپ, وبەكتيۆتى اقپارات بەرەتىن جۋرناليستەردىڭ ماتەريالدارىن سىزدەردىڭ باق ارقىلى كورىپ كەلەمىز», - دەدى ق.ءمامي.
«حابار» اگەنتتىگىنىڭ, «ۆرەميا» گازەتىنىڭ, «Zakon.kz» جانە «ينفورمبيۋرو» پورتالدارىنىڭ ماتەريالدارى جۋرناليستىك جۇمىستىڭ جوعارى دەڭگەيىنە لايىق دەپ تانىلدى. اتاپ ايتقاندا, ق.ءمامي «ۆرەميا» گازەتىنىڭ قاراعاندى وبلىسى بويىنشا مەنشىكتى ءتىلشىسى يرينا موسكوۆكانىڭ ەڭبەگىن ەرەكشە توقتالىپ, ونىڭ جەزقازعان تۇرعىنىنىڭ سوت عيماراتىنىڭ الدىندا ءوزىن جاراقاتتاعان احۋالدىڭ انىق-قانىعىنا كوز جەتكىزىپ, ماقالا جازعانىن, سوت شەشىمىنىڭ لوگيكاسىن ءتۇسىندىرىپ, الەۋمەتتىك جەلىدە وربىگەن ءتۇرلى قيسىنسىز پىكىرلەردى شىعارعانىن اتاپ ءوتتى. سونىمەن قاتار, 2016 جىلى «Zakon.kz» پورتالىنىڭ بازاسىندا وتكەن ينتەرنەت-كونفەرەنتسيانىڭ تيىمدىلىگى اتالىپ ءوتىلدى. «كونفەرەنتسيا تاجىريبەلىك ماڭىزعا يە سوت ءىسىن جۇرگىزۋ سالاسىنداعى بىرقاتار وزەكتى ماسەلەلەردىڭ قاتارىن انىقتاپ بەردى», - دەدى ق.ءمامي.
جيىنعا قاتىسۋشىلارعا ۇلت جوسپارى مەن كونستيتۋتسيالىق رەفورما شەڭبەرىندە سوت جۇيەسىن جاڭعىرتۋ شارالارىن ىسكە اسىرۋ بارىسى تانىستىرىلدى.
ءىس-شارا بارىسىندا جوعارعى سوتتىڭ باق-پەن ءوزارا ءىس-قيمىل جونىندەگى ۇيلەستىرۋشى-سۋدياسى ەلەنا ماكسيۋتا, پرەزيدەنت تەلەراديوكەشەنىنىڭ ديرەكتورى, باس رەداكتورلار كلۋبىنىڭ جەتەكشىسى ەرلان بەكحوجين, «ەگەمەن قازاقستان» اق باسقارما توراعاسى دارحان قىدىرالى, «ەۋرازيا ءبىرىنشى ارناسى» تەلەارناسىنىڭ جانە «Zakon.kz» پورتالىنىڭ ديرەكتورى سەرگەي كيسيلەۆ, «ۆرەميا» گازەتىنىڭ قاراعاندى وبلىسى بويىنشا مەنشىكتى ءتىلشىسى يرينا موسكوۆكا ءسوز سويلەدى.
ءىس-شارا سوڭىندا قايرات ءمامي باق وكىلدەرىنە, باق-پەن جۇمىس جونىندەگى ۇيلەستىرشى سۋديالار مەن سوتتاردىڭ ءباسپاسوز قىزمەتىنىڭ قىزمەتكەرلەرىنە قۇرمەت گراموتالارى مەن ەستەلىك سىيلىقتار تاپسىردى.
كوپ جىلعى, جەمىستى ءارى ءمىنسىز قىزمەتى ءۇشىن الماتى قالالىق سوتىنىڭ سۋدياسى يرينا فەدوتوۆا مەن قاراعاندى وبلىستىق سوتىنىڭ ءباسپاسوز حاتشىسى گۇلبارشىن جيتيكوۆا ءىى جانە ءىىى دارەجەلى ء«مىنسىز قىزمەتى ءۇشىن» مەدالدارىمەن ماراپاتتالدى.
